Էմանուել Մակարոնը և Մարին Լը Պենը Ֆրանսիայի նախագահական ընտրությունների առաջին փուլի արդյունքներով առաջատարն են՝ հավաքելով 24-ական %, հայտնել է բելգիական LaLibre թերթը՝ վկայակոչելով exit poll-ի առաջին տվյալները:
Նրանց հետևում է «Անհնազանդ Ֆրանսիա» ծայրահեղ ձախ կուսակցության առաջնորդ Ժան Լյուկ Մելանշոնը՝ 19% ձայնով: Այնուհետև գալիս են կենտրոնամետ «Հանրապետականներ» կուսակցության թեկնածու Վալերի Պեկրեսը և ծայրահեղ աջ հայացքներով Էրիկ Զեմմուրը, նրանցից յուրաքանչյուրի օգտին քվեարկել է տեղամասեր եկած ֆրանսիացիների 8-ական տոկոսը:
Ֆրանսիացիները պետության ղեկավարին ընտրում են 5 տարի ժամկետով։ Այն դեպքում, եթե առաջին փուլում թեկնածուներից ոչ մեկը չհավաքի բացարձակ մեծամասնություն (50 % + մեկ ձայն), կանցկացվի երկրորդ փուլը։ Այն նախատեսված է ապրիլի 24-ին։
