Թուրքիայի ԱԳ նախկին նախարար և նախկին վարչապետ Ահմեդ Դավութօղլուն անընդունելի է համարել Ղազախստանի կողմից ՀԱՊԿ-ին դիմելը, քանի որ այդ կազմակերպությունում նախագահում է Հայաստանը։ Այդ մասին Դավութօղլունն գրել է Twitter-ի իր միկրոբլոգում։
Ըստ նրա՝ անընդունելի է Ղազախստանի ղեկավարության նման որոշումը, որը «թյուրքական աշխարհի կենտրոնական երկիրն է»։
«Ես խորապես վշտացած եմ վերջին իրադարձություններով բարեկամ և եղբայրական Ղազախստանում՝ թյուրքական աշխարհի կենտրոնական երկրում։ Մտահոգիչ է նաև այն, որ Ղազախստանը դիմել է օգնության Հավաքական անվտանգության պայմանագրի կազմակերպությանը, որտեղ նախագահում է Հայաստանը»,- գրել է նա։
