ՀԱՄԱՍ-ի արդարադատության նախկին նախարար Մոհամմեդ Ֆարջ ալ-Աուլը սպանվել է, հայտնում է Al Jazeera-ն։
Ըստ կայքի՝ նախկին պաշտոնյան մահացել է այսօր վաղ առավոտյան՝ Գազայի հատվածում ՑԱԽԱԼ-ի հարձակման հետևանքով։
Գազայի շարունակվող պատերազմն սկսվել էր 2023թ. հոկտեմբերի 7-ին: 2025թ. հունվարի 15-ին Իսրայելը և ՀԱՄԱՍ-ը փուլային համաձայնության էին եկել պատերազմը դադարեցնելու վերաբերյալ: Մարտի 18-ի լույս 19-ի գիշերը, սակայն, Իսրայելը վերսկսել էր հարվածները:
Իսրայելի հակահարվածի հետևանքով, Գազայի առողջապահության նախարարության տվյալներով, զոհվել է առնվազն 57 500 մարդ։ Իսրայելի կառավարությունը շարունակում է Գազայի շրջափակումը և ռազմական գործողությունները ՀԱՄԱՍ-ի դեմ՝ պահանջելով ազատ արձակել բոլոր պատանդներին:
