Վեդիում մայիսի 25-ին տեղի ունեցած վիճաբանության հետևանքով մեկ մարդ մահացել է, մյուսը՝ տեղափոխվել հիվանդանոց, հայտնել է ՀՀ ՆԳՆ-ն։
Ըստ հայտարարության՝ ժամը 23։30-ին Շիրազի փողոցի սկզբնամասի կայարանամերձ տարածքում վիճաբանություն է տեղի ունեցել 15-17 տարեկան երեք պատանու և երեք այլ անձանց միջև, վեճին միջամտել է ևս երեք մարդ, այդ թվում` պատանիներից մեկի 44-ամյա հայրը՝ Ալիկ Հակոբյանը։
Վիճաբանողներից մեկը` Վեդու բնակիչ 43-ամյա տղամարդը, սուր կտրող-ծակող առարկայով հարվածել է Հակոբյանին և 18-ը դեռ չբոլորած պատանուն: Ստացած վնասվածքների հետևանքով Հակոբյանը բուժհաստատությունում մահացել է։
Ժամը 2։30-ին 43-ամյա տղամարդը ձերբակալվել է։
