2025 թվականի շախմատի Եվրոպայի կանանց անհատական առաջնությունում Հայաստանը ներկայացնող միջազգային վարպետ և կանանց գրոսմայստեր Լիլիթ Մկրտչյանը վերջին խաղափուլից առաջ վաստակել է 7 միավոր և կիսում է 5-10-րդ հորիզոնականները, հայտնել են Հայաստանի շախմատի ֆեդերացիայից։
Գրոսմայստեր Էլինա Դանիելյանն ունի 6,5 միավոր, կանանց միջազգային վարպետ Մարիամ Մկրտչյանը և կանանց ՖԻԴԵ-ի վարպետ Աննա Խաչատրյանը՝ 6-ական միավոր, հավելել են ֆեդերացիայից։
Առաջնությունն անցկացվում է Հունաստանի Հռոդոս կղզում՝ մարտի 31-ից ապրիլի 11-ը: Առաջնության ավարտին մնացել է 1 խաղափուլ։ Մկրտչյանն առաջնության 7-րդ տուրում սև խաղաքարերով հաղթել էր Ադրբեջանի ներկայացուցիչ Գովհար Բեյդուլաևին:
