Հայաստանը ներկայացնող շախմատիստուհիներ Էլինա Դանիելյանն ու Լիլիթ Մկրտչյանը Եվրոպայի անհատական առաջնությունում 6,5-ական միավորով կիսում են 3-րդ և 9-րդ տեղերը, տեղեկացնում է Հայաստանի շախմատի ֆեդերացիան:
Նման արդյունքների գրոսմայստեր Դանիելյանն ու միջազգային վարպետ Մկրտչյանը հասել են 9 խաղափուլից հետո:
Կանանց գրոսմայստեր Մարիա Գևորգյանը, կանանց ՖԻԴԵ-ի վարպետ Աննա Խաչատրյանը և կանանց միջազգային վարպետ Մարիամ Մկրտչյանն ունեն 5 միավոր, հավելել են ֆեդերացիայից։
Առաջնությունն անցկացվում է Հունաստանի Հռոդոս կղզում՝ մարտի 31-ից ապրիլի 11-ը: Առաջնության ավարտին մնացել է երկու տուր։ Մկրտչյանը առաջնության 7-րդ տուրում սև խաղաքարերով հաղթել էր Ադրբեջանի ներկայացուցիչ Գովհար Բեյդուլաևին:
