Օլիմպիական խաղերի արծաթե մեդալակիր, մարմնամարզիկ Արթուր Դավթյանը դուրս է եկել Գերմանիայի Կոտբուս քաղաքում ընթացող աշխարհի գավաթի խաղարկության եզրափակիչ, հայտնում է Հայաստանի մարմնամարզության ֆեդերացիան։
Դավթյանը 14,850 միավորով 1-ին տեղն է գրավել հենացատկի որակավորման փուլում։
Փետրվարի 20-ին գեղարվեստական մարմնամարզության աշխարհի գավաթի խաղարկության առաջին փուլի եզրափակիչ էր դուրս եկել ևս 4 հայ մարմնամարզիկ, որոնցից երեքը որակավորման փուլում առաջին տեղն էր գրավել։ Նժույգ թափեր վարժությունում եզրափակիչ էին անցել Համլետ Մանուկյանը (14,466 միավոր) և Մամիկոն Խաչատրյանը (14,466 միավոր), օղակներ վարժությունում՝ Արթուր Ավետիսյանը (14,600 միավոր) և Վահագն Դավթյանը (14,233 միավոր)
Փետրվարի 22-ին կանցկացվի նժույգ թափերի և օղակների եզրափակիչը, իսկ փետրվարի 23-ին՝ հենացատկի։
Դավթյանը հունահռոմեական ոճի ըմբիշ Արթուր Ալեքսանյանի և ծանրորդ Վարազդատ Լալայանի հետ ճանաչվել էր Հայաստանում «Սպորտի ոլորտում 2024 լավագույնների ընտրություն» մրցույթի լավագույն մարզիկ։
