Numbeo ծառայության հանցավորության և անվտանգության ինդեքսի ցանկում Հայաստանն աշխարհի ամենաանվտանգ երկրների 8-րդ հորիզանականում է։
Վարկանիշային ցուցակում ընդգրկվել է 147 երկիր։ Հայաստանը ցուցակում ներառվել է հանցավորության ինդեքսի 22,1 և անվտանգության ինդեքսի 77,9 միավորով։
Անդորրան 15,3 և 84,7 միավորներով առաջին տեղում է, երկրորդում Արաբական Միացյալ Էմիրություններն են՝ 15,5 և 84,5 միավորով, երրորդում՝ Կատարը՝ 15,8 և 84,2 միավորով։
Ամենաանվտանգ երկրների շարքում Թայվանը 17,1 և 82,9 միավորներով չորրորդ տեղում է, իսկ լավագույն հնգյակը եզրափակում է Օմանը՝ 18,3 և 81,7 միավորներով:
Տարածաշրջանի երկրներից Վրաստանը 26,3 և 73,7 միավորով զբաղեցրել է 21-րդ տեղը։ Ադրբեջանը 33-րդ տեղում է՝ 31,8 և 68,2 միավորով, Ռուսաստանը՝ 51-րդում՝ 38,7 և 61,3 միավորով։ Թուրքիան 57-րդ տեղում է՝ 41,2 և 58,8 միավորով, Իրանը 50,5 և 49,5 միավորներով զբաղեցրել է 93-րդ տեղը։
Ըստ Numbeo Crime and Safety Index-ի՝ 2024 թվականին Հայաստանը կրկին 8-րդն էր աշխարհի ամենաանվտանգ երկրների ցանկում։
2025 թվականի մարտին Հայաստանը ներառվել էր ահաբեկչության ցածր մակարդակ ունեցող երկրների ցանկում։
