Մարդկանց 84%-ը գերադասում է ամուսնությունը միայնակությունից: Սակայն ամուսնալուծությունների վիճակագրությունը հակառակն է ցույց տալիս՝ յուրաքանչյուր տասը ամուսնությունից 8-ն ավարտվում է բաժանությամբ, հայտնել է РБК-ն։ 5 Prism Academy-ի համահիմնադիր Լեոնիդ Լյուբոչկինը վերլուծել է այն սխալները, որոնք ստիպում են զույգերին ամուսնալուծվել։ Armenia Today-ը ներկայացնում է հոդվածի համառոտ նկարագիրը:
Հայաստանում, ըստ քաղաքացիական կացության ակտերի ռեգիստրի 2024 թվականին հունվար-դեկտեմբերին գրանցվել է 15 324 ամուսնություն, թիվը նվազել է 1006-ով ՝ 2023 թվականի համանման (16 330) ցուցանիշի համեմատ:
Միևնույն ժամանակ, Armstat.am կայքում հրապարակված տվյալների համաձայն, ամուսնալուծությունների թիվը 2024 թվականին ավելացել է 164-ով` կազմելով 4689 (2023 թվականի 4525-ի համեմատ)՝ 1000 ամուսնության համեմատ, և արձանագրվել է ամուսնալուծության 306 դեպք` 2023թ. հունվար-դեկտեմբերին արձանագրված 277-ի համեմատ:
Սխալներից առաջինն ըստ փորձաետի միշտ նույնը մնալու ակնկալիքն է:
Հարաբերություններում հաճախ թվում է, թե սերը մշտական է, որը աշխատանք չի պահանջում: Այնուամենայնիվ, իրականությունն այլ է: Մասնագետն առաջարկում է, թե ինչպես ընդունել ուրիշի փոփոխությունը:
Ըստ նրա, անհարաժեշտ է ունենալ շաբաթական կարճ խոսակցություններ, որտեղ յուրաքանչյուր կողմ պատասխանում է հիմնական հարցերին և եթե փոփոխություններն անհանգստություն են առաջացնում, բայց դրանց մասին բարձրաձայն խոսելը դժվար է, անհրաժեշտ է գրել թղթի վրա բոլոր չարտահայտված զգացմունքները և քննարկել այն օգտագործելով I-message մեթոդը:
Սխալներից 2-րդը՝ անձնական տարածքի բացակայությունն է:
Մեջբերելով նյարդաբան Ռոբերտ Սապոլսկինի մտքերը, նա ընդգծել է, որ մենությունն օգնում է վերամշակել զգացմունքները և նվազեցնել կորտիզոլի մակարդակը, որն արտադրվում է սթրեսի ժամանակ: Միևնույն ժամանակ, այն նպաստում է ավելի խորը ինքնաճանաչմանը և բարձրացնում ստեղծագործական ունակությունները:
Հարաբերություններում սա նշանակում է, որ զուգընկերները, ովքեր հարգում են միմյանց անձնական սահմանները և միմյանց հնարավորություն են տալիս վերականգնել ռեսուրսները միայնության մեջ, ավելի քիչ հավանական է, որ կամուսնալուծվեն:
Սխալներից 3-րդը խնդիրները լռեցնելու սովորությունն է:
Իրենց ակնկալիքներն ու զգացմունքները քննարկելու փոխարեն զուգընկերները լռում են՝ ենթադրելով, որ «բոլորն արդեն ամեն ինչ հասկանում են»։ Սակայն լռությունը ներդաշնակության նշան չէ, այլ դանդաղ գործող ռումբ: Երկխոսությունը պահպանելու համար մասնագետն առաջարկում է քնելուց առաջ գնահատել ձեր օրը 1-10 սանդղակով և բացատրել միմյանց, թե ինչու է այն արժանի այդ գնահատականին:
Սխալներից 4-րդը կենցաղի մեջ խրվելն է:
Առօրյա աշխատանքների և պարտավորությունների մեջ շփման և միասին անցկացվող պահերի ժամանակն անցնում է երկրորդ պլան: Զույգերի միջև զգացմունքային հեռավորություն է առաջանում և մեծանում, նրանք սկսում են իրենց օտար զգալ:
Ուսումնասիրությունը վկայում են, որ այն զույգերը, ովքեր պարբերաբար ժամանակ են հատկացնում միասին շփվելուն, ցույց են տալիս հարաբերությունների բավարարվածության ավելի բարձր մակարդակ: Որքան շատ են մտերմության ծեսերը զույգի մեջ, այնքան ավելի ամուր է հուզական կապը և ավելի քիչ են կոնֆլիկտներ:
Սխալներից 5-րդը կոնֆլիկտներից ամեն կերպ խուսափելու սովորությունն է։
Մեղադրելու փոխարեն Լյուբոչկին առաջակում է օգտագործել «Ես զգում եմ… որովհետև…» ձևաչափը: Սա նվազեցնում է զուգընկերոջ պաշտպանողականությունը և երկխոսության համար տարածք բացում:
Եզրափակելով, մասնագետն առաջ է բերել 4 հիմնական սկզբունք առողջ ամուսնության համար՝ ճկունություն, երկխոսություն, ազատություն և համակարգվածություն:
