«Բոյկոտում եմ, ոչինչ չի փոխվել», «թանկացումն արդարացված է»․ երևանցիները՝ տրանսպորտի նոր սակագների մասին

Երևանի բնակիչներն ավելի քան երկու շաբաթ բողոքի ցույցեր են անցկացնում՝ պահանջելով 150-ից 100 դրամ նվազեցնել հասարակական տրանսպորտի ուղևորափոխադրման միանվագ վճարը։

Բողոքի ցույցերը չեն դադարել նաև քաղաքապետի որոշումից հետո, ըստ որի՝ չեղարկվել էր մեկօրյա և յոթօրյա տոմսերի ուղևորությունների քանակի սահմանափակումը, երեք ուղևորության ժամկետը 90 րոպեից դարձել էր 180 րոպե, ընդլայնվել էր նպաստառուների ցանկը, որին քաղաքային իշխանություններն ավելացրել են Երևանում չգրանցված թոշակառուներին և ցածր եկամուտ ունեցողներին։

Armenia Today-ի նկարահանող խումբը զրուցել է երևանցիների հետ, թե ինչպե՞ս են վերաբերում սակագնի փոփոխություններին, արդյոք 1 ուղևորության համար 150 դրամ սակագինն ընդունելի՞ է և ո՞ր դեպքում այս գինն արդարացված կլիներ։

Երևանցիների կարծիքները տարբեր են. հարցման որոշ մասնակիցների կարծիքով՝ սակագներն արդարացված են, մյուսները նշել են, որ միայն գազելներն ավտոբուսներով փոխարինելն ուղեվարձը բարձրացնելու բավարար հիմքեր չեն տալիս, քանի որ ավտոբուսների ուշացումների և հասարակական տրանսպորտի գերծանրաբեռնված երթևեկության խնդիրները մնում են։

Հարցվածների մի մասն էլ առաջարկում է սուբսիդավորել հանրային տրանսպորտը, քանի որ կան ուղևորներ, որոնք ֆինասական խնդիրների պատճառով այդ 50 դրամն էլ չեն կարողանում վճարել։

Մանրամասները՝ Armenia Today-ի տեսանյութում։