Կրոնական հանդուրժողականությունը կարևոր է տարածաշրջանի կայունության համար, Վաշինգտոնում կայացած Միջազգային կրոնական ազատության գագաթնաժողովին հայտարարել է վարչապետ Նիկոլ Փաշինյանը։
Նրա խոսքով՝ Հայաստանի չորս հարևան երկրներից երեքը` Իրանը, Թուրքիան, Ադրբեջանը, հիմնականում մահմեդական բնակչություն ունեն, իսկ մյուս հարևան Վրաստանը հիմնականում քրիստոնյա բնակչություն ունի՝ մեծ մահմեդական համայնքով։
«Բարեբախտաբար, չնայած քաղաքական և էթնիկական հակասություններին, մենք ունենք կրոնական հանդուրժողականության և հարգանքի լավ ավանդույթ մեր տարածաշրջանում, և դա ավելի իրատեսական է դարձնում կայուն խաղաղությունն ու կայունությունը Հարավային Կովկասում: Հույս ունենք, որ մեր տարածաշրջանային վեճերը կվերածենք տարածաշրջանային երկխոսության, և կրոնական ազատությունն այն գործիքներից մեկն է, որը կարող է դա իրականություն դարձնել»,- ասել է Փաշինյանը։
Ըստ վարչապետի՝ կրոնական ազատությունը ժողովրդավարության մասին է:
«Չի կարող լինել ժողովրդավարություն՝ առանց կրոնական ազատության, քանի որ ազատ լինելը նշանակում է ազատ լինել Աստծո ընկալման և կրոնի ընկալման մեջ»,- նշել է նա:
Փաշինյանը խոսել է նաև Հայաստանի կրոնական համայնքների մասին՝ կարևորելով Հայ առաքելական եկեղեցու էական դերը հայ ժողովրդի համար։
Մանրամասները՝ տեսանյութում։
