Գործարար, SpaceX, Tesla և X ընկերությունների, ինչպես նաև ԱՄՆ կառավարության արդյունավետության բարձրացման գերատեսչության (DOGE) ղեկավար Իլոն Մասկը հայտարարել Է, որ փետրվարի 17-ին կներկայացվի xAI-ի Grok 3 chatbot-ը, հայտնել է Reuters-ը։
Grok 3 chatbot-ը հիմնված է արհեստական բանականության (AI) վրա: Մասկն այն աշխարհի ամենախելացի AI-ն է անվանել։
Փետրվարի 13-ին Դուբայի Համաշխարհային կառավարական գագաթնաժողովում Մասկը խոստացել էր մոդելը թողարկել մեկ կամ երկու շաբաթվա ընթացքում:
Կառավարության արդյունավետության գերատեսչությունը, որն ԱՄՆ նախագահ Դոնալդ Թրամփը ստեղծել էր նախագահի պաշտոնն ստանձնելուց հետո, աշխատում է Սպիտակ տան և նրա կառավարման ու բյուջեի գրասենյակի հետ: Նոր նախարարության DOGE հապավումը համընկնում է Dogecoin կրիպտոարժույթի անվան հետ, որը Մասկը քարոզում է։
