2025 թվականին Լեռնային Ղարաբաղից բռնի տեղահանված 19 367 անձ ստացել է ՀՀ քաղաքացիություն, ԱԺ-ում հայտարարել է ՆԳ նախարար Արփինե Սարգսյանը։
Նրա խոսքով՝ ընդհանուր առմամբ 36 676 տեղահանված ձեռք է բերել ՀՀ քաղաքացիություն՝ մի մասն անձնագրավորման, մյուս մասը՝ նախագահի հրամանագրով։ Տեղահանված անչափահասները, ընդհանուր առմամբ, 28 000-ն են, որոնցից 12 000-ն անձնագրավորման տարբերակով ստացել են Հայաստանի քաղաքացիություն։
Սարգսյանի խոսքով՝ 2025 թվականին ՀՀ քաղաքացիություն էր ձեռք բերել, ընդհանուր առմամբ, 25 670 անձ, իսկ ՀՀ 4367 քաղաքացի դադարեցրել էր ՀՀ քաղաքացիությունը։
Փետրվարին մամուլը գրել էր, որ արցախցիները դժգոհում են ՀՀ քաղաքացիություն ստանալու գործընթացում միտումնավոր խոչընդոտներից։ Ըստ հրապարակման՝ առնվազն 19 000 մարդու դիմում ամիսներով ընթացք չի ստանում:
