Ցավում ենք, որ հանրապետական կարգավորիչի վճիռը կազդի հայ ունկնդրի՝ իր ընտրած աղբյուրից տեղեկատվություն ստանալու անվերապահ իրավունքի վրա, այսպես է ՀՀ-ում ՌԴ դեսպանատունը մեկնաբանել «Sputnik Արմենիա» ռադիոյի հեռարձակումը դադարեցնելու ՀՀ հեռուստատեսության և ռադիոյի հանձնաժողովի որոշումը:
«Մեր բարեկամ Հայաստանում ռուսական լրատվամիջոցների մասնաճյուղի հեռարձակումը դադարեցնելու որոշումը կայացվել է այս տարվա դեկտեմբերի 14-ից ընդամենը մեկ շաբաթ անց, երբ ՌԴ թվային զարգացման, կապի և զանգվածային հաղորդակցության նախարարության և ՀՀ բարձր տեխնոլոգիական արդյունաբերության նախարարության միջոցով կառուցողական խորհրդակցություններ կայացան, որոնց ընթացքում կողմերը պայմանավորվեցին սերտ համագործակցության մասին՝ ծագած բոլոր վիճահարույց հարցերի լուծման համար»,- հայտնում են դեսպանատնից:
ՌԴ դեսպանատունը շեշտում է, որ այս քայլը չի կարող զիջում չթվալ նրանց համար, ովքեր գնալով ավելի են բարձր են խոսում Ռուսաստանի և Հայաստանի միջև ավանդական, փոխշահավետ և փոխադարձ հարգանքով դաշնակցային հարաբերությունների խզման մասին։
Ավելի վաղ Բարձր տեխնոլոգիական արդյունաբերության նախարար Ռոբերտ Խաչատրյանը հրաժարվել էր մեկնաբանել «Սպուտնիկ Արմենիա» ռադիոկայանի գործեությունը 30 օրով կասեցնելը՝ խորհուրդ տալով մեկնաբանություն ստանալ որոշում կայացնողից:
Դեկտեմբերի 20-ին Հեռուստատեսության և ռադիոյի հանձնաժողովը 30 օրով կասեցրել էր «Սպուտնիկ Արմենիա» լսողական ծրագրի գործունեությունը:
