Ռուսաստանի իշխանությունները փակել են Ազգային ժողովի «Քաղաքացիական պայմանագիր» խմբակցության պատգամավոր Խաչատուր Սուքիասյանի մուտքի իրավունքը, հայտնում է 24News-ը՝ հղում անելով դիվանագիտական աղբյուրներին։
Աղբյուրի փոխանցմամբ՝ այդ որոշման պատճառները մի քանիսն են՝ քաղաքականից մինչև տնտեսական։
Հունիսի 23-ին ՌԴ իրավապահ մարմինները հայտնել էին, որ Մոսկվայում կալանավորվել է հանցավոր խմբի չորս անդամ, որն «Ալրոսա» ընկերությունից ալմաստներ էր գողանում՝ դրանք ապօրինի ճանապարհով դեպի Հայաստան արտահանելու համար։ Նրանց տվյալներով՝ հափշտակված ալմաստներն ուղարկվել են Հայաստան՝ «ԱԴԻԴ Դայմոնդ» ՍՊԸ, որի շահառուն Սուքիասյանն է։ Սուքիասյանի գրասենյակից հերքել էին այս տեղեկությունը՝ այն որակելով ապատեղեկատվություն:
