ՌԴ նախագահ Վլադիմիր Պուտինը Հաղթանակի 80-ամյակի օրերին Ուկրաինայի հետ պատերազմում հրադադար է հայտարարել, հայտնել են Կրեմլի մամուլի ծառայությունից։
Հրդադարը կգործի մայիսի 8-ից՝ ՌԴ ժամանակով ժամը 00:00-ից մինչև մայիսի 11-ի կեսգիշեր։ Նշվում է, որ ՌԴ-ն այդ ժամանակահատվածում դադարեցնում է բոլոր մարտական գործողությունները։
«Ռուսաստանը կարծում է, որ ուկրաինական կողմը պետք է հետևի այդ օրինակին։ Կիևի կողմից հրադադարի խախտման դեպքում ռուսական զորքերը համարժեք և արդյունավետ պատասխան կտան»,- ասված է հայտարարության մեջ։
Մոսկվան վերահաստատել է առանց նախապայմանների խաղաղ բանակցությունների իր պատրաստակամության մասին՝ ուղղված ուկրաինական ճգնաժամի արմատական պատճառների վերացմանը, միջազգային գործընկերների հետ կառուցողական փոխգործակցությանը:
Փետրվարի 12-ին ՌԴ և ԱՄՆ նախագահ Դոնալդ Թրամփի հեռախոսազրույցից հետո մեկնարկել էր ռուս-ուկրաինական հակամարտության կարգավորման գործընթացը։
Ապրիլի 10-ին ՌԴ ԱԳՆ-ն հայտնել էր, որ Ռուսաստանը և ԱՄՆ-ն Ստամբուլում բանակցությունների ժամանակ համաձայնության են եկել մշակել «ճանապարհային քարտեզ»՝ ամերիկյան իշխանությունների կողմից բռնագրավված վեց ռուսական դիվանագիտական օբյեկտները վերադարձնելու համար։ Պետդեպարտամենտը հայտարարել էր, որ Ստամբուլի բանակցությունները «կառուցողական» էին։ Ապրիլի 26-ին ՌԴ նախագահի մամուլի խոսնակ Դմիտրի Պեսկովը հայտնել է Կուրսկի շրջանը Ուկրաինայի զինված ուժերից ազատագրելու գործողությունների ավարտի մասին։
