Սեպտեմբերին նոր վարչություն ձևավորելիս «Քաղաքացիական պայմանագիր» կուսակցության կազմում չեն լինի պատգամավորներ Արփի Դավոյանը, Վաղարշակ Հակոբյանը, ԵԿՄ նախագահ Սասուն Միքայելյանը, ՏԿԵ նախկին նախարար Գնել Սանոսյանը և Երևանի փոխքաղաքապետ Արմեն Փամբուխչյանը, հայտնել է «Հրապարակ» օրաթերթը՝ հղում անելով իր աղբյուրներին։
Ըստ թերթի՝ վարչապետ Նիկոլ Փաշինյանն իր համախոհների միջոցով կուսակցական շարքերն այնպես է ուղղորդում, որ իրեն հավատարիմ մարդկանց խորհուրդ կազմվի։
Այս որոշումը պայմանավորված է նրանով, որ Հակոբյանը սերտորեն կապվել է օլիգարխների հետ, իսկ Միքայելյանը Փաշինյանի «միակ հակառակորդն» է կուսակցությունում և էական ազդեցություն է ձեռք բերել Կոտայքի մարզում։ «Քաղաքացիական պայմանագիր» դժգոհ է նաև Սանոսյանի թոշակառու մոր առանձնատան հետ կապված պատմությունից առաջացած աղմուկից, իսկ Փամբուխչյանի՝ խորհրդի կազմից հեռացնելը կապված է նրա թոշակառու հոր կողմից արված խոշոր վարկի հետ։
Թերթը նշել է, որ դժվար կլինի Երևանի քաղաքապետ Տիգրան Ավինյանին հեռացնել վարչության կազմից, քանի դեռ մինչև սեպտեմբեր Փաշինյանի հրամանով նա չի ձերբակալվել։ Ի տարբերություն մյուսների՝ Ավինյանը կուսակցությունում ունի համակիրների մեծ խումբ, ասվում է հրապարակման մեջ։
Ավելի վաղ մամուլը գրել էր, որ Ավինյանը մարտի 4-ին քաղաքապետարանի հանրային ծառայությունների վարչության պետին բերման ենթարկելուց հետո ծրագրում է «հակահարձակում» սկսել, քանի որ ձերբակալությունների հիմքում տեսել էր քաղաքական ուղղորդում։
Փետրվարի 6-ին Հակակոռուպցիոն կոմիտեի նախագահի մամուլի խոսնակ Մարինա Օհանջանյանն Armenia Today-ին տեղեկացրել էր, որ կոռուպցիոն բնույթի գործի շրջանակում փետրվարի 5-ին ձերբալավել էր 8 անձ, որոնց թվում Երևանի քաղաքապետարանի 3 պաշտոնյա էր։ Նրանցից 4-ի նկատմամբ ավելի ուշ կալանք էր կիրառվել, 4-ից 3-ը քաղաքապետարանի պաշտոնյաներ էին։
