Ամերիկացի գործարար և կառավարության արդյունավետության դեպարտամենտի համադրող Իլոն Մասկը մարտի 6-ին կառավարության նիստի ժամանակ վիճաբանել է ԱՄՆ պետքարտուղար Մարկո Ռուբիոյի հետ, հայտնել է The New York Times-ը՝ հղում անելով աղբյուրներին։
Թերթի տեղեկություններով՝ Ռուբիոն բարկացել է, երբ իրեն ստիպել են «լսել աշխարհի ամենահարուստ մարդու դժգոհությունները»։ Մարտի 7-ի դրությամբ՝ Forbes-ը Մասկի կարողությունը գնահատում է 342,4 միլիարդ դոլար, մինչդեռ Bloomberg-ը գնահատում է այն 330 միլիարդ դոլար։ Երկու դեպքում էլ դա նրան դարձնում է մոլորակի ամենահարուստ մարդը:
Ռուբիոն, ինչպես հայտնում է NYT-ը, կարծում է, որ Պետդեպարտամենտի աշխատակիցներին կրճատելու անկարողության մասին Մասկի խոսքերն իրականությանը չեն համապատասխանում։ Նա հայտնել է, որ գերատեսչության ավելի քան 1500 աշխատակից աշխատանքից ազատվել է դրամական փոխհատուցման դիմաց։ Պետքարտուղարը Մասկին առաջարկել է նրանց աշխատանքի վերադարձնել, իսկ հետո «շոու սարքել՝ աշխատանքից հեռացնելով»։
Փետրվարի 3-ին ԶԼՄ-ները հայտնել էին, որ Վաշինգտոնում փակվել է ԱՄՆ Միջազգային զարգացման գործակալության կենտրոնակայանը։ Փետրվարի 4-ին Թրամփը Մասկին հանձնարարել էր «վերահսկել գործակալության արդյունավետությունը»։
