Հակակոռուպցիոն դատարանը երկու ամսով երկարաձգել է Հանրապետական կուսակցության փոխնախագահ Արմեն Աշոտյանի տնային կալանքը։
Աշոտյանի փաստաբան Տիգրան Աթանեսյանը կարծիք է հայտնել, որ տնային կալանքի երկարաձգումը պայմանավորված է առկա քաղաքական իրավիճակով։
«Իմփիչմենթի, եկեղեցու դեմ հարձակման գործընթացներում Արմենի նման հռետորի և ուժեղ քաղաքական գործչի՝ ազատության մեջ լինելը թուրքական իշխանությանը ձեռնտու չէ»,- ասել է նա։
2022 թվականի նոյեմբերի 16-ին Աշոտյանին մեղադրանք էր առաջադրվել պաշտոնեական լիազորությունները չարաշահելու և փողերի լվացման համար։ Նրան կալանավորել էին 2023 թվականի հունիսի 16-ին։ Իրավապահները որպես կալանավորման պատճառ նշել էին խափանման միջոցի խախտումը՝ բնակության վայրից չհեռանալու մասին ստորագրությունը։ Մարտի 10-ին դատարանը որոշել էր 3 ամսով երկարաձգել Աշոտյանի տնային կալանքի ժամկետը։
Մանրամասները՝ տեսանյութում։
