Օգոստոսի 6-ին` ժամը 14:02-ին, Բաբաջանյան և Աճառյան փողոցների խաչմերուկում Kia մակնիշի ավտոմեքենայի բեռնախցիկի հատվածում տեղի է ունեցել գազի արտահոսք՝ հրդեհի բռնկումով, հայտնել են ՆԳՆ փրկարար ծառայությունից։
Այրվածքաբանության ազգային կենտրոնից Armenia Today-ին հայտնել են, որ իրենց մոտ տեղափոխված տուժածներն ընտանիքի անդամներ են, որոնցից 3-ը՝ երեխաներ։ Կենտրոնից նշել են, որ համեմատաբար լավ է ընտանիքի տատի վիճակը, մնացածը ծանր վիճակում են, գտնվում են վերակենդանացման բաժանմունքում։
Քննչական կոմիտեի խոսնակ Կիմա Ավդալյանն Armenia Today-ին տեղեկացրել է, որ մեքենայի պայթյունի դեպքի առթիվ նախաձեռնվել է քրեական վարույթ՝ Քրեական օրենսգրքի 347-րդ հոդվածի 1-ին մասով (տրանսպորտի անվտանգ աշխատանքն ապահովող պահանջները կամ կանոնները խախտելը, եթե այդ արարքը մարդու առողջությանն անզգուշությամբ պատճառել է ծանր կամ միջին ծանրության վնաս, առավելագույն պատիժն ազատազրկում՝ 3 տարի ժամկետով- AT)։
18։15
Թարմացում
Առողջապահության նախարարությունից տեղեկացրել են, որ պայթյունից տուժածներից 5-ը վերակենդանացման բաժանմունքում են, նրանց առողջական վիճակը ծանր է, իսկ մեկը գտնվում է այրվածքային բաժանմունքում՝ առողջական վիճակը միջին ծանրության է։
