Հուլիսի 13-ին Արարատի մարզի Գետազատ գյուղի «Բարդիների պուրակ» հանգստյան գոտում 4 տարեկան աղջիկ է կորել, գրում է Shamshyan.com-ը։
Նշվում է, որ երեխային գտնելու համար փրկարարներն օգտագործում են նաև հատուկ դրոններ։
Որոնողական աշխատանքները շարունակվում են ավելի քան 2 ժամ, հանգստյան գոտում կա արհեստական լճակ, որի ջուրն իջեցվել է, աղջկան այնտեղ չեն հայտնաբերել, հավելել է կայքը։
Երեխայի մայրը հայտնել է, որ Արմավիրի մարզի բնակիչներ են և «ընդամենը 5 րոպե է իր աղջկանից աչքը քաշել ու նրան այլևս չի տեսել»։
17։45
Թարմացում
ՆԳՆ խոսնակ Նարեկ Սարգսյանն Armenia Today-ին հաստատել է լուրը։ Սարգսյանը հայտնել է, որ մինչ այս պահը որոնողական աշխատանքներ են իրականացվում` ՆԳՆ մեծաթիվ ուժերի ներգրավվածությամբ։
