Կախվելու միջոցով ինքնասպանություն է գործել Հրազդանում հայտնի հրուշակագործ, «Միլի տորթեր»-ի հիմնադիր 40-ամյա Ս. Պ-ն, հայտնել է News․am-ը։
Կայքի տեղեկություններով՝ մահացածն ամուսնացած էր, ուներ երկու զավակ: Նա տաղանդավոր հրուշակագործ էր, երկար տարիներ զբաղվում էր տոնական տորթերի պատրաստմամբ:
ՆԳՆ-ից կայքին հայտնել են, որ դեպքը տեղի է ունեցել մարտի 31-ին, իսկ Քննչական կոմիտեն տեղեկացրել է, որ քրեական վարույթ է հարուցել դեպքի առնչությամբ։
ՔԿ մամուլի խոսնակ Կիմա Ավդալյանն Armenia Today-ին հայտնեց, որ վարույթը վերաբերում է ՔՕ 162-րդ հոդվածի 1-ին մասով արարք կատարելուն ( Սպառնալիքի, դաժան վերաբերմունքի կամ արժանապատվությունը նվաստացնելու եղանակով անձին անզգուշությամբ ինքնասպանության հասցնելը, որը պատժվում է ազատազրկմամբ՝ մինչև 2 տարի ժամկետով)։
