Ձմերուկի սեզոնին շատերը սկսում են այն ուտել առնվազն շաբաթը մի քանի անգամ, չի բացառվում, որ ցանկության դեպքում մեզանից յուրաքանչյուրը կարող է ուտել ձմերուկի գրեթե կեսը։
Thevoicemag.ru-ն, հղում անելով մասնագետներին, զգուշացնում է․ նախքան այդ հաճելի զբաղմունքը սկսելը, մի մոռացեք մյուս կեսը դնել սառնարան՝ պահպանման ժամկետը երկարացնելու համար։
Այդուհանդերձ՝ կտրված ձմերուկի պահպանումը չպետք է գերազանցի առաջարկվող ժամկետները:
«Ձմերուկը պիտանի է օգտագործման համար երեք-հինգ օրվա ընթացքում, եթե, իհարկե, պահվում է սառը տեղում։ Պտուղը պետք է լինի ճիշտ վիճակում․ ձմերուկի սերմերը պետք է լինեն սև»,-բացատրել է սննդի տեխնոլոգ Վիկտորիա Կոստինան:
Մասնագետը նաև հիշեցրել է ձմերուկի թարմությունն ու հասունությունը ստուգելու հիմնական միջոցի մասին, որը կարող է օգտագործվել նաև կտրած մրգի դեպքում:
«Դա անելու համար խփեք ձմերուկի կանաչ կեղևին: Եթե ձայնը բարձր է, կարող եք օգտագործել»,-ասել է մասնագետը։
