Սննդաբան Կարա շոուն Express պարբերականին տված հարցազրույցում պատմել է, թե մի փոքր փոխելով կենսակերպը՝ ինչպես կարելի է վերահսկել շաքարի մակարդակն օրգանիզմում։
Քնել
Եթե գնում եք քնելու կեսգիշերից առաջ և առավոտյան ժամը վեցին արդեն ոտքի վրա եք, եթե գիշերը անընդհատ արթնանում եք կամ չեք կարող քնել, մի զարմացեք, եթե առավոտյան օրգանիզմում շաքարի մակարդակը բարձրանա:
Ընդ որում, բարձր շաքարը երեկոյան խանգարում է քնել։ Այսպիսով, որքան ցերեկը շաքարի մակարդակն ավելի հավասարակշռված լինի, այնքան ավելի լավ կքնեք գիշերը:
Մի նյարդայնացեք
Փորձագետի խոսքով՝ մարմինը չի կարող տարբերակել սթրեսի տեսակները։
«Այն պատրաստ է փախչել, փրկվել, գոյատևել: Եվ այս ամենն ուղեկցվում է նույն քիմիական ռեակցիայով՝ օրգանիզմում գլյուկոզայի մակարդակի բարձրացմամբ։ Այդպես մարմինն արձագանքում է վտանգին: Քրոնիկ սթրեսի հետևանքով շաքարը կարող է բարձր լիմել մի քանի շաբաթ կամ նույնիսկ ամիսներ»,-ասել է նա։
Ուշքի գալու համար բժիշկը խորհուրդ է տալիս յոգա, Մեդիտացիա, զբոսանք։ Կարևոր է, որ կարողանաք անցնել և կտրվել սթրեսային իրավիճակից։
Ավելի քիչ մրգահյութեր խմեք
Մասնագետի խոսքով՝ մրգահյութերը, որպես կանոն, պարունակում են ավելացված շաքար, որն արագորեն մտնում է արյան մեջ։
«Ես դեմ չեմ երբեմն շաքար պարունակող ըմպելիքներ օգտագործելուն, բայց դրանք զուգակցեք այնպիսի սննդի հետ, որն ունի սպիտակուցներ, առողջ ճարպեր և մանրաթելեր: Եվ մի մոռացեք խորտիկից հետո ակտիվորեն շարժվել»,-ասել է նա։
Նախաճաշել
«Շաքարի ցածր մակարդակը նույնպես վտանգավոր է։ Շաքարի մակարդակը կայունացնելու ճիշտ միջոցը հավասարակշռված նախաճաշն է։ Նախաճաշին քաղցրսնունդ չպետք է լինի, որպեսզի էներգիան և տրամադրությունը պահպանվեն ամբողջ օրը»,-բացատրել սննդաբանը։
Ավելի շատբարդ ածխաջրեր
Ածխաջրերը անհրաժեշտ են պատշաճ սնուցման համար, բայց դրանց հետ պետք է զգույշ լինել։ Փորձագետը խորհուրդ է տալիս պարզ ածխաջրերի փոխարեն ընտրել բարդ ածխաջրերը՝ մեծ քանակությամբ բջջանյութով։ Այդպիսով, ըստ նրա, գլյուկոզան ավելի դանդաղ կմտնի արյան մեջ:
