Armenia Today-ի համար 2025 թվականը սոցիալական ցանցերում ռեկորդային դիտումների տարի էր. տասնյակ ռիլեր հավաքում էին հարյուր հազարավոր դիտումներ, դառնում քննարկման թեմաներ և տարածվում սոցցանցերի հայկական լսարանից շատ հեռու։
YouTube-ում, Facebook-ում, Instagram-ում և TikTok-ում բաժանորդների թիվը կրկնապատկվել է: Ամեն ամիս այս սոցիալական ցանցերից յուրաքանչյուրում մեր կոնտենտը հավաքում է ավելի քան 10 միլիոն դիտում:
Մենք վերլուծել ենք վիճակագրությունը և հավաքել ամենատարածված տեսանյութերը՝ նրանք, որոնք լավագույնս արտացոլում են այն, ինչ ապրում էր երկիրը՝ սպորտ և մշակույթ, բարձրագոչ քաղաքական հայտարարություններ, հասարակական կարևոր փոփոխություններ և մարդկային համերաշխության պատմություններ:
Ստորև ներկայացված են ամենաշատ դիտումներ ստացած տեսանյութերը։
Սպորտ
Արթուր Ալեքսանյանը սահմանեց սեղմման ուժի համաշխարհային ռեկորդ՝ 124 հազար դիտում
Հունահռոմեական ոճի հայ ըմբիշ Արթուր Ալեքսանյանը սահմանել է սեղմման ուժի նոր համաշխարհային ռեկորդ՝ գերազանցելով իրանցի մարզիկ Ամիրրեզա Մասումիի նախորդ ռեկորդը (186,6 ֆունտ՝ 84,6 կգ): Ալեքսանյանի սեղմման ուժը, չափված դինամոմետրով, կազմել է 195 ֆունտ (88,5 կգ): Տեսանյութը դարձել է տարվա ամենաքննարկվող սպորտային տեսանյութերից մեկը. հեռուստադիտողները նշել են ոչ միայն Ալեքսանյանի մարզական կարողությունները, այլև այն փաստը, որ նա ևս մեկ անգամ հաստատում է իր կարգավիճակը՝ որպես հայկական սպորտի կարևոր դեմք:
Էդուարդ Սպերցյանը «Կրասնոդարի» կազմում դարձավ Ռուսաստանի չեմպիոն՝ 56,3 դիտում
Հայաստանի ֆուտբոլի ազգային հավաքականի կիսապաշտպան Էդուարդ Սպերցյանը «Կրասնոդարի» հետ նվաճել է Ռուսաստանի չեմպիոնի տիտղոսը։ Ռուսաստանի Պրեմիեր լիգայի 30-րդ տուրում թիմը 3-0 հաշվով հաղթել էր Մոսկվայի «Դինամոյին», իսկ Սպերցյանը խփել էր երրորդ գոլը 11 մետրանոցից։ «Ռիլսայի» հանդիսատեսը կրկին ապրեց հաղթանակի հուզիչ պահը. հայ ֆուտբոլիստը դարձավ առաջնության մրցաշրջանի գլխավոր հերոսներից մեկը, իսկ նրա խաղը գրավեց եվրոպական ակումբների ուշադրությունը։
Մարմնամարզության նոր էլեմենտը կոչվել է Համլետ Մանուկյանի անունով՝ 931 հազար դիտում
Տասնութամյա հայ մարմնամարզիկ Համլետ Մանուկյանը նժույգի վրա նոր էլելմենտ է կատարել, որն իր անունով են կոչել աշխարհի գավաթի խաղարկության ժամանակ։ Տպավորիչ տեխնիկական տարրը սենսացիա է առաջացրել պրոֆեսիոնալ մարմնամարզիկների և մեծ հետաքրքրություն՝ հանդիսատեսի շրջանում։ Մանուկյանը նաև հասել է եզրափակիչ՝ ամրապնդելով իր կարգավիճակը որպես հայկական մարմնամարզության ամենախոստումնալից աստղերից մեկը։Երևանը դառնում է մարտարվեստի նոր մայրաքաղաք. բացվել է Lion Heart ակադեմիան՝ 63 հազար դիտում
Lion Heart խառը մարտարվեստի ակադեմիան բացվել է Երևանում, որը ցանցի առաջին մասնաճյուղն է: «Մեծ հայկական ընտանիքը տան կարիք ունի: Եվ այսօր մենք տանն ենք»,- բացման արարողության ժամանակ ասել է Սարգիս Կարապետյանը: «Մեր ձևով» շարժման ներկայացուցիչ Լևոն Սարգիսովն ընդգծել է, որ ակադեմիան տարիներ շարունակ գործել է երկրի սահմաններից դուրս, և որ Երևանի կենտրոնն այժմ նախատեսվում է դառնալ «գլխավոր» մասնաճյուղը: Ռիլը հանդիսատեսի ուշադրությունը գրավել է ոչ միայն իր մարզական թեմայով, այլև սփյուռքի խոշոր նախաձեռնությունների Հայաստան վերադարձի համատեքստով:Մշակույթ
Մոնակոյի տաճարում կատարվել է հայկական «Դլե Յաման» երգը՝ 105 հազար դիտում
Տարվա ամենահուզիչ մշակութային իրադարձություններից մեկը՝ հայկական ժողովրդական «Դլե Յաման» երգի կատարումը Մոնակոյի տաճարում: Երգը, որն առաջին անգամ ձայնագրվել է Կոմիտասի կողմից և կապված է Հայոց ցեղասպանության ողբերգության հետ, կատարվել է եվրոպական տաճարում՝ որպես հոգևոր հիշողության վերարտադրություն, որը կենդանի է մնում՝ անկախ ժամանակից և աշխարհագրությունից: Տեսանյութն արձագանք է գտել սփյուռքում, հեռուստադիտողները գրել են, որ «Դլե Յաման»-ը Մոնակոյում լսելը «համատեղ հիշողության պահ» էր:The Weeknd-ը Baptized in Fear տեսահոլովակում ներկայացրել է հայկական խաչքարեր՝ 61 հազար դիտում
Ամերիկացի երգիչ The Weeknd-ը (Աբել Տեսֆայե) իր Baptized in Fear տեսահոլովակում ներառել է հայկական խաչքարեր։ Հայ հանդիսատեսի համար սա նշանակալի մշակութային իրադարձություն էր. խաչքարերը, որոնք ազգային ժառանգության յուրօրինակ խորհրդանիշ են, հայտնվել են համաշխարհային մակարդակի արտիստի տեսահոլովակում։ Տեսանյութը զգալի դիտումներ է ստացել փոփ մշակույթի և հայկական ինքնության համադրության, ինչպես նաև մեկնաբանությունների բաժնում քննարկումների շնորհիվ, որտեղ դիտողները նշել են, որ այս ժեստն ամրապնդում է հայկական մշակութային ժառանգության տեսանելիությունը համաշխարհային համատեքստում։Երևանում բացվել է AriPari-ն՝ հայկական երգի և պարի թվային պահոցը՝ 57,9 հազար դիտում
Երևանում բացվել է հայկական ժողովրդական երգերի և պարերի նոր թվային պահոց: AriPari նախաձեռնության հիմնադիր Համազասպ Ասլանյանը ներկայացրել է AriPari պորտալը, որը կգործի Telegram-ում: Մեդիագրադարանը պարունակում է ավելի քան 100 կրթական պարային տեսանյութ և ակնարկ: Գրադարանը նաև պարունակում է ավելի քան 500 աուդիոձայնագրություն, մի քանի տասնյակ ակադեմիական հոդված և գրքեր հայկական ազգային պարերի մասին: Հարյուրավոր մարդիկ հավաքվել էին այնտեղ՝ ուսումնասիրելու առցանց հանրագիտարանը և պարելու հայկական ավանդական պարեր: Ռիլը հետաքրքրություն է առաջացրել ինչպես պրոֆեսիոնալ պարուսույցների, այնպես էլ ավելի լայն հայկական սփյուռքի շրջանում, որոնց համար նախագիծը դարձել է մշակութային հիշողության պահպանման կարևոր գործիք:Քաղաքականություն
Որքան էլ ՀՀ-ն մերժի «Զանգեզուրի միջանցքը», դա Մեծ թուրանի ծրագրի մասն է․ Էստուկյանը՝ Փաշինյանին՝ 122 հազար դիտում
Տարվա ամենաշատ քննարկվող քաղաքական հոլովակներից մեկը։ Ստամբուլի «Ակոս» թերթի հայկական տարբերակի խմբագիր Բագրատ Էստուկյանը վարչապետ Նիկոլ Փաշինյանին հարցրել է, այսպես կոչված, «Զանգեզուրի միջանցքի» բացումից առաջացող սպառնալիքների մասին։ Փաշինյանը պատասխանել է, որ որևէ խնդիր չի տեսնում Ադրբեջանի քաղաքացիների՝ Հայաստանի տարածքով տեղաշարժի հետ կապված՝ հիշելով կառավարության «Խաղաղության խաչմերուկ» նախագիծը։ Հոլովակը ուշադրություն է գրավել իր հակադիր արձագանքների շնորհիվ՝ կոշտ քննադատությունից մինչև կառավարության արտաքին քաղաքականության ռազմավարության քննարկումներ։Ի՞նչ է թաքնված Սամվել Կարապետյանի գործի հետևում. եկեղեցի, քաղաքականություն և ներդրումային միջավայրի համար ռիսկեր՝ 86 հազար դիտում
«Տաշիր» խմբի ղեկավար Սամվել Կարապետյանի ձերբակալությունը լայն քննարկումների առիթ է դարձել ինչպես Հայաստանում, այնպես էլ արտերկրում: Գործարարը տասնամյակներ շարունակ ներդրումներ է կատարել Հայաստանի և Արցախի զարգացման գործում՝ երկրում հիմնելով մի քանի բիզնես և տիրապետելով «Հայաստանի էլեկտրական ցանցեր» ՓԲԸ-ին, որտեղ նա մոտ 700 միլիոն դոլար է ներդրել ենթակառուցվածքների արդիականացման մեջ: Armenia Today-ն իր ռեպորտաժում անդրադարձել է Կարապետյանի գործին՝ ներկայացնելով քաղաքացիների և փորձագետների կարծիքներ նրա ձերբակալության ռիսկերի և կառավարության կողմից իրեն պատկանող «Հայաստանի էլեկտրական ցանցեր» ընկերությունը պետականացնելու նախաձեռնության վերաբերյալ: Հեռուստադիտողներն ակտիվորեն քննարկել են ինչպես երկրի խոշորագույն բարերարներից և ներդրողներից մեկի քրեական հետապնդումը, այնպես էլ քաղաքական-եկեղեցական ավելի լայն հակամարտությունը:Սամվել Կարապետյանը կգլխավորի «Մեր ձևով» շարժան հիման վրա ստեղծված քաղաքական կուսակցությունը՝ 63,9 դիտում
«Տաշիր» ընկերությունների խմբի ղեկավար Սամվել Կարապետյանը կգլխավորի «Մեր ձևով» շարժման հիման վրա ստեղծվելիք քաղաքական կուսակցությունը, հայտարարել է նրա փաստաբան Արամ Վարդևանյանը։ «Այն պահից, երբ շարժումը դառնա կուսակցություն, Կարապետյանը պատրաստ է ստանձնել կուսակցության նախագահի պաշտոնը»,- ասել է Վարդևանյանը շարժման հանրահավաքի ժամանակ՝ Հայաստանի ազգային անվտանգության ծառայության դիմաց։«Հայկական կոնյակ հասկացություն չի կարող լինել»․ Փաշինյան՝ 429 հազար դիտում
Իր ամենաշատ դիտված տեսանյութերից մեկում Փաշինյանը հայտարարել է, որ «կոնյակ» տերմինը չի կարող կիրառվել հայկական արտադրանքի նկատմամբ, քանի որ այն պաշտպանված է աշխարհագրական նշումով և վերաբերում է միայն Ֆրանսիայի Կոնյակ շրջանին։ «Հայաստանում շամպայն չի կարող լինել, քանի որ շամպայնն արտադրվում է միայն Շամպայնում աճեցված խաղողից»,- ասել է վարչապետը։ Հայտարարությունը լայն քննարկումների առիթ է դարձել թե՛ մասնագետների (գինեգործներ, իրավաբաններ և արտադրողներ), թե՛ լայն հանրության շրջանում, ովքեր հայտարարությունը դիտարկել են «ազգային ինքնության» և Հայաստանի միջազգային պարտավորությունների շուրջ բանավեճերի համատեքստում։Հասարակություն
Նորածնի փրկությունը Սուրբ Գրիգոր Լուսավորիչ բժշկական կենտրոնում՝ 270 հազար դիտում
Ամենաէմոցիոնալ տեսանյութերից մեկը Սուրբ Գրիգոր Լուսավորիչ բժշկական կենտրոնում շաբաթական նորածնի փրկության մասին պատմող տեսահոլովակն էր։ Նորածինը ծանր վիճակում էր՝ կաթով խեղդվելուց հետո։ Բժիշկներն արագ վերականգնել են երեխայի շնչառությունը՝ արդյունավետորեն փրկելով նրա կյանքը։ Տեսանյութը լայն արձագանք է առաջացրել, մարդիկ իրենց աջակցությունն են հայտնել բժիշկներին և երեխայի ընտանիքին։Նոր կանոններ՝ ՀՀ քաղաքացիների համար Ռուսաստան մուտք գործելու համար, 859 հազար դիտում
2025 թվականի ամենատարածված տեսանյութերից մեկը դարձավ ՀՀ քաղաքացիների համար Ռուսաստան մուտք գործելու նոր կանոնների մասին տեսանյութը։ Տեսանյութում բացատրվում էր, որ հունիսի 30-ից սկսած սահմանը հատելու համար անհրաժեշտ է QR կոդ։ Այս կոդն ստեղծվում է լուսանկարներ և անձնական տվյալներ հատուկ պորտալ վերբեռնելուց, մնալու տևողության մասին հայտարարություն ներկայացնելուց և այնուհետև սահմանին կոդը ներկայացնելուց հետո։ Շատ օգտատերեր պահպանել են հրահանգները, ինչը տեսանյութին տվել է բաժնի նյութերի մեջ ամենաբարձր լսարանը։Անաիս Սարդարյանի հայտարարությունն Արցախի անկախության օրվա կապակցությամբ՝ 204 հազար դիտում
Դերասանուհի և ակտիվիստ Անաիս Սարդարյանի հայտարարությունն Արցախի անկախության օրվա կապակցությամբ մեծ ուշադրություն է գրավել։ Նա նշել է, որ իր ուղերձն ուղղված է բացառապես հայ ժողովրդին, քանի որ միջազգային հանրությունը, նրա պնդմամբ, 2020 և 2023 թվականներին անտարբերություն է ցուցաբերել Արցախի ճակատագրի նկատմամբ։ Նրա հուզական հայտարարությունը լայնորեն քննարկվել է հանրության կողմից, որոնցից շատերը գրել էր աջակցող մեկնաբանություններ։«Մեր մանկության տանգոն» ֆիլմի տան վերականգնումը Շիրակում՝ 90,3 հազար դիտում
Ամենանշանակալի տեսանյութերից մեկը նվիրված էր Շիրակում գտնվող տան վերականգնմանը, որտեղ նկարահանվել է «Մեր մանկության տանգոն» ֆիլմի նշանակալի տեսարանը: Հոդվածում բացատրվում էր, որ շենքը, որը նախկինում ծառայել է որպես փոստային բաժանմունք, մանկավարժական քոլեջի լսարան և ժամանակավոր կացարան, 1988 թվականի երկրաշարժից հետո, վերականգնվում է «Տաշիր» հիմնադրամի կողմից: Քաղաքային իշխանությունների տվյալներով՝ տունը կպահպանի իր պատմական տեսքը և կդառնա Ֆրունզիկ Մկրտչյանի թանգարանի մաս: «Մեր ձևով» շարժման ներկայացուցիչները նշել էին, որ աշխատանքներն սկսվել էին 2023 թվականին՝ Սամվել Կարապետյանի նախաձեռնությամբ: «Պապ ջան, մեր մոտ հմեն ինչ ստացվավ. Տաթևիկ Կարապետյանը «Տաշիր Արենա»-ի բացմանը՝ 64,3 հազար դիտում Տաթևիկ Կարապետյանի մասնակցությամբ «Տաշիր Արենա»-ի բացմանը նվիրված տեսանյութը նույնպես ամենաշատ դիտումների շարքում է։ Այնտեղ նա շնորհակալություն է հայտնել հորը՝ Սամվել Կարապետյանին, նախագծի իրականացման համար՝ նշելով, որ ասպարեզը քրտնաջան աշխատանքի և հաջողության հանդեպ հավատի արդյունք է։ Նրա ելույթը, որում նա խոսել է դժվարությունների միջով անցնելու կարևորության և այն հավատի մասին, որ բարին պետք է հաղթի, լայն հուզական արձագանք է առաջացրել հանդիսատեսի մոտ։ Կենսաչափական տվյալներ և հաղորդակցություն. ինչո՞ւ են Ռուսաստանում բնակվող հայերն սկսում անջատել իրենց հեռախոսահամարները՝ 133 հազար դիտում Մեկ այլ հայտնի տեսանյութ կենտրոնացած էր Ռուսաստանում բջջային հեռախոսակապի անջատման խնդրի վրա այն հայ քաղաքացիների համար, ովքեր չէին անցել պարտադիր կենսաչափական ստուգում: Տեսանյութում բացատրվում էր, որ օգտատերերը պետք է ստուգեն Gosuslugi պորտալի միջոցով իրենց գրանցված համարները, անջատեն ավելորդ համարները, ստուգեն իրենց ինքնությունը բջջային հեռախոսների խանութում և անցկացնեն կենսաչափական ստուգում՝ օգտագործելով ruID հավելվածը: Ռուսաստան մուտք գործելիս նրանք պարտավոր էին վերստուգել իրենց տվյալները: Թեման մեծ հետաքրքրություն ՝ր առաջացրել, քանի որ այն շոշափում էր հազարավոր քաղաքացիների առօրյա կյանքը: Հարյուր կրթաթոշակ ուսանողների համար. Սարգիս Կարապետյանի հիմնադրամի նախաձեռնությունը՝ 111 հազար դիտում Մեկ այլ հայտնի տեսանյութում հայտարարվել էր, որ Սարգիս Կարապետյանի հիմնադրամը 2026 թվականից սկսած հարյուր կրթաթոշակ կսահմանի Հայաստանի բոլոր մարզերի ուսանողների համար: Տեսանյութում ներկայացված էր «Հերոսները հավերժ են ապրում» ֆիլմը, որը նվիրված էր Սարգիս Կարապետյանին, նրա երկարամյա ուսուցչական գործունեությանը և Լեռնահովիտի դպրոցի վերականգնմանը երկրաշարժից հետո: Տեսանյութում նաև ներկայացված էր Տաթևիկ Կարապետյանի այցելությունը Հայ մայրերի կենտրոն, որտեղ նա քննարկում էր ուղեղային կաթվածով ախտորոշված երեխաների աջակցության հարցը: Տեսանյութը մեծ թվով դիտումներ է ստացել անձնական պատմությունների և թեմայի սոցիալական նշանակության համադրության շնորհիվ:
