Չինական (արևելյան) աստղագուշակի համաձայն՝ 2025-ին օձի տարի է, գրում է The voice ամսագիրը։
Որպես կանոն, մեծամասնության համար սողունը կապված է ոչ այնքան հաճելի հույզերի հետ՝ առաջացնելով վախ կամ զզվանք: Այդուհանդերձ, չինական ավանդույթի համաձայն՝ 2025 թվականի խորհրդանիշը, ըստ արևելյան աստղագուշակի, լուսավորության, իմաստության, կենսունակության և բուժիչ ուժի աղբյուր է: Նրան բնութագրում են խորամանկությամբ, գերազանց ինտուիցիայով, խելքով, նվիրվածությամբ։
Արդարության համար հարկ է նշել, որ այս կենդանին հաճախ հանդես է գալիս որպես խաբեության, չարի, երկերեսանիության և նույնիսկ մահվան նշան: Արևելյան աստղագուշակի կանխատեսումներով՝ 2025 թվականին կարևոր է լիելու կենդանուն բնորոշ հնարամտությունը, ինչը հմտորեն համատեղում է մենակությա և մանրակրկիտ եզրակացությունների հնարավորության հետ: Մի մոռացեք, որ հարձակման ժամանակ օձը ոչինչ չի խնայում, բայց հազվադեպ է առաջինը հարձակվում:
Այս անգամ 2025 թվականը մեզ կբերի կանաչ փայտե օձ: Նախորդ նման տարին 1965-ն էր։ Չինաստանում այս տարրը կապված է նոր օրվա ծննդյան հետ, իսկ կանաչ փայտը ծառն է, որը հանդես է գալիս որպես գարնան խորհրդանիշ՝ բնության վերածնունդ: Փայտե օձի էներգիան ներկված է կանաչ գույնով, ինչը նշանակում է մաքրություն, ազատություն և առողջություն:
Կանաչ փայտե օձի տարին կսկսվի 2025 թվականի հունվարի 29-ին։ Օձը խոստանում է մեծ փոփոխություններ և դժվարություններ: Գլոբալ առումով, ըստ ամսագրի,մեզ սպասում են բազմաթիվ կարևոր քաղաքական իրադարձություններ։ Ըստ աստղագուշակների՝ հիմնականը տեղի կունենա օգոստոսին:
Կանաչ փայտե օձի տարին հիանալի է նոր ծանոթությունների, կապերի հաստատման, ընտանեկան հարաբերությունների ամրապնդման և երեխաներ ունենալու համար: Տարին բարենպաստ է նրանց համար, ովքեր կարողանում են փոխզիջումներ գտնել և հարաբերություններում ձգտում են հավասարակշռության։ Մասնագիտական աճի հասնելու համար կարևոր է համբերատար լինել և հարմարվել փոփոխվող պայմաններին։
