Ռուսաստանի փոխվարչապետ Միխայիլ Գալուզինը հայտարարել է, որ Հայաստանը պետք է ընտրություն կատարի ԵՄ-ի և ԵԱՏՄ-ի միջև։
Հայաստանը չի կարող միաժամանակ լինել այս երկու կազմակերպությունների անդամ, քանի որ դրանք ունեն տարբեր մաքսային և սակագնային կարգավորումներ։ Գալուզինը այս մասին ասել է «Իզվեստիային» տված հարցազրույցում:
«Եթե Հայաստանը ընտրի եվրոպական ուղին, դա օբյեկտիվորեն կհանգեցնի ԵԱՏՄ գործընկերների հետ առկա տնտեսական հարաբերությունների վերանայմանը։ Այս գործընթացը, հավանաբար, բավականին ցավոտ կլինի, այդ թվում՝ ցավոք, Հայաստանի բնակչության համար», – նշել է Գալուզինը։
Նա հավելել է, որ տրամաբանական է ակնկալել, որ երկրի ղեկավարությունը կբացատրի իր ժողովրդին ԵԱՏՄ-ից դուրս գալու հնարավոր կորուստները և ԵՄ անդամակցության իրական օգուտները։
Հայաստանը շարունակում է մերձենալ ԵՄ-ին և 5 տարի անց կկարողանա ստանալ առանց վիզայի ռեժիմ ԵՄ երկրների հետ, ապրիլի 7-ին հայտարարել էր Ներքին գործերի նախարարության միգրացիայի և քաղաքացիության ծառայության պետ Նելլի Դավթյանը։ Դրա խոչընդոտներից մեկը Դավթյանը նշել էր երկրում նոր կենսաչափական համակարգ ներդնելու պահանջը։
