ԱՄՆ նախագահ Դոնալդ Թրամփը մտադիր է օտարերկրյա արտադրության բոլոր ֆիլմերի վրա 100% մաքսատուրք սահմանելու գործընթաց սկսել՝ պատճառաբանելով, որ ամերիկյան կինոարտադրությունը «շատ արագ մահանում է», գրում է Reuters-ը։
Ըստ կայքի՝ ԱՄՆ նախագահն այս գործընթացն անվանել է ազգային անվտանգության խնդիր և ցանկանում է, որ ֆիլմերը նորից սկսեն ԱՄՆ-ում արտադրվել։
ԱՄՆ առևտրի նորանշանակ քարտուղար Հովարդ Լուտնիկը, ըստ լրատվականի, արձագանքել է՝ ասելով, որ «կատարում են տվյալ հանձնարարությունը»։ Սակայն ո՛չ նա, ո՛չ Թրամփը չեն պարզաբանել, թե ինչպե՞ս են մաքսատուրքը հաշվարկելու՝ ըստ արտադրության ծախսերի՞, վարձույթից ստացված եկամտի՞, թե՞ միայն կինոթատրոններում ցուցադրվող ֆիլմերի համար։
Նշվում է, որ վերջին տասնամյակում Լոս Անջելեսում ֆիլմարտադրությունը նվազել է շուրջ 40%-ով, իսկ միջազգային արտադրության կենտրոնները, ինչպիսիք են Կանադան, Միացյալ Թագավորությունն ու Ավստրալիան, «գրավել են ամերիկյան բյուջետային նախագծերը»։
Թրամփը հունվարին Հոլիվուդի վետերաններ էր նշանակել դերասաններ Ջոն Վոյթին, Սիլվեստր Ստալոնեին և Մել Գիբսոնին՝ ամերիկյան կինոարտադրությունը «վերակենդանացնելու» նպատակով։
