«Ռոքը օպերայում» առաջին միջազգային երաժշտական փառատոնը նվիրված է Սպենդիարյանի անվան օպերայի և բալետի ազգային թատրոնի ստեղծման 90-ամյակին։ Թատրոնի հայտնի բեմում կներկայացվեն նոր երաժշտական ժանրեր։
2022 թվականի նոյեմբերի 19-ին և 20-ին կցուցադրվեն միանգամից երկու համաշխարհային մասշտաբի շոուներ՝ Queen խմբի և ռոքի լավագույն հիթերը:
Queen, Deep Purple, Scorpions, Aerosmith, Rolling Stones, Europe, Led Zeppelin խմբերի հավերժական հիթերը կկատարեն Շվեդիայից և Իտալիայից ժամանած հայտնի ռոք վոկալիստները՝ համակցված սիմֆոնիկ նվագախմբի հզոր ձայնի և բեք-վոկալի հետ, որը կղեկավարի Իտալիայից ժամանած դիրիժոր:
Queen the Best համերգը կներկայացնի ոչ միայն ամենահայտնի հիթերը, ինչպիսիք են Bohemian Rhapsody; We are the Champions, Don’t Stop Me Now, We Will Rock You, Show Must Go On, նաև բոլոր երգերը լեգենդար «Բարսելոնա» ալբոմից։
«Ռոքը օպերայում» միջազգային երաժշտական փառատոնը նախատեսվում է անցկացնել ամեն տարի։
Փառատոնների ընթացքում կցուցադրվեն ամերիկյան ռոք և փոփ ասպարեզի ամենահայտնի շոուները, ինչպիսիք են «ABBA Gold Hits», «Golden Hits of San-Remo», «Whitney Houston Show», «Golden Hits of Rock», «Queen the Best»՝ եվրոպական ամենահայտնի կատարողների մասնակցությամբ։
Այս շոուները երկար տարիներ մեծ հաջողությամբ անցկացվում են Եվրոպայում, Ասիայում, Ամերիկայում և Ռուսաստանում, իսկ այժմ Հայաստանում՝ միայն «Ռոքը օպերայում» փառատոնների շրջանակներում:
