ՀՀ ՆԳ նախարարի տեղակալ, ոստիկանության պետ Արամ Հովհաննիսյանն ազատվել է զբաղեցրած պաշտոնից՝ համաձայն ՀՀ վարչապետի որոշման:
Հովհաննիսյանն, իր հերթին, նույնպես հայտնել է ազատման դիմում գրելու մասին։ Նա նշել է, որ ոստիկանությունում ծառայությունն իր համար կենսակերպ էր, կյանքի իրական դպրոց։
«Միասին բազում դժվարությունների ու փորձությունների միջով ենք անցել, ունեցել ենք նշանակալի ձեռքբերումներ: Սիրով ու պատրաստակամորեն մեր փորձն ու ձեռք բերած գիտելիքներն ենք փոխանցել երիտասարդ կադրերին»,- դիմել է նա գործընկերներին։
Վարչապետ Նիկոլ Փաշինյանի՝ 2024թ. դեկտեմբերի 10-ի որոշմամբ՝ Հովհաննիսյանը վերանշանակվել էր ՆԳՆ ոստիկանության պետ-Ներքին գործերի նախարարի տեղակալ։
