Ռուսաստանի կառավարությունը Պետդումայի վավերացմանն է ներկայացրել Հայաստանի հետ հայ-ռուսական համալսարանի (ՀՌՀ) աշխատանքի մասին համաձայնագիրը, հայտնում է «Կոմերսանտը»։
2024 թվականի դեկտեմբերին Ռուսաստանն ու Հայաստանը համաձայնագիր էին ստորագրել Հայ-ռուսական համալսարանի գործունեության պայմանների մասին։ Փաստաթուղթը ստորագրել էին Ռուսաստանի կրթության և գիտության փոխնախարար Կոնստանտին Մոգիլևսկին և Հայաստանի կրթության, գիտության, մշակույթի և սպորտի փոխնախարար Արթուր Մարտիրոսյանը։
Մայիսին Երևան կատարած այցի ժամանակ Ռուսաստանի ԱԳ նախարար Սերգեյ Լավրովը հանդիպել էր ՀՌՀ ուսանողների և դասախոսական կազմի հետ: Նա հավաստիացրել էր, որ Մոսկվան և Երևանը անցյալում են թողել «փոխադարձ անվստահության կամ փոխադարձ վիրավորանքների փուլը», և հայտնել բարեկամական հարաբերությունների հետագա զարգացման մասին:
