ԱՄՆ-ի հետ միջուկային համաձայնագրի բանակցություններին մասնակցող բոլոր իրանցի ներկայացուցիչներն սպանվել են Իրանի տարածքում Իսրայելի կողմից իրականացված հարվածների արդյունքում, CNN-ի լրագրող Դանա Բաշի հետ զրույցում ասել է ԱՄՆ նախագահ Դոնալդ Թրամփը։
Լրագրողը հեռախոսով մի քանի հարց է տվել Թրամփին։ Մասնավորապես, նա հարցրել է վերջինիս կարծիքն Իսրայելի վերջին գործողությունների վերաբերյալ։ Լրագրողի խոսքով՝ Թրամփն ասել է, որ իրանցի բանակցողները «մահացել» են։ ԱՄՆ նախագահը նշել է, որ նրանք կոշտ գծի կողմնակիցներ են։
Բաշը հարցրել է, թե ինչպե՞ս են մահացել բանակցողները։ «Եվ նա շատ հեգնական ասաց. նրանք չեն մահացել գրիպից, նրանք չեն մահացել կորոնավիրուսից»,- պատմել է լրագրողը։
Թրամփը նաև Իսրայելի վերջին գործողություններն անվանել է «շատ հաջողված»։
Իրանը հունիսի 13-ին բալիստիկ հրթիռների կիրառմամբ հարվածներ էր հասցրել Իսրայելին՝ ի պատասխան Թել Ավիվի՝ ավելի քան 200 կործանիչի կիրառմամբ հունիսի 13-ի գիշերվա հարձակման, որի հետևանքով իրանցի բարձրաստիճան զինվորականներ են զոհվել: ՀՀ ԱԳՆ-ն դատապարտել էր Իսրայելի հարձակումն Իրանի վրա։
Հունիսի 14-ին Միջուկային և ռադիացիոն անվտանգության գիտատեխնիկական կոնտրոնը հայտնել էր, որ Հայաստանի հարավում ռադիոակտիվ ֆոնի փոփոխություն չկա։
Կարդացեք նաև՝
Փորձագետները գնահատել են Հայաստանի հնարավոր քայլերը` Իսրայելի կողմից Իրանի վրա հարձակման ֆոնին
