Ղազախստանի մայրաքաղաք Բիշքեկում այսօր տեղի է ունեցել ՀԱՊԿ Պաշտպանության նախարարների խորհրդի նիստը։ Ինչպես հաղորդում է կազմակերպության կայքը, նիստին մասնակցել են ՀԱՊԿ Գլխավոր քարտուղար Իմանգալի Տասմագամբետովը և կազմակերպության Միավորված շտաբի պետ, գեներալ-գնդապետ Անդրեյ Սերդյուկովը։
Մասնակիցները քննարկել են ՀԱՊԿ պատասխանատվության գոտում ռազմաքաղաքական իրավիճակը, հաստատել են 2026-2030 թվականների ռազմական համագործակցության պլանները, ինչպես նաև նշել են 2025թ. մայիսի 9-ին Մոսկվայի Կարմիր հրապարակում անցկացված Հաղթանակի շքերթի բարձր մակարդակը։
Հայաստանը, սակայն, նիստին չի մասնակցել: Երևանը սառեցրել էր իր մասնակցությունը դաշինքին։ Թեկուզ Հայաստանը շարունակում է մնալ ՀԱՊԿ անդամ, սակայն արդեն մոտ երկու տարի չի վճարում անդամավճարները կազմակերպությանը։ Եթե Հայաստանը մինչև 2025 թվականի ավարտը շարունակի նույն քաղաքականությունը, կազմակերպության անդամ երկրները «կարող են քննարկել տարբեր սցենարներ», մարտին հայտարարել էր ՌԴ ԱԳ փոխնախարար Ալեքսանդր Պանկինը։
