Ապրիլի 1-4-ը Հայաստանում և աշխարհում տեղի ունեցած գլխավոր նորությունների, իրադարձությունների ամփոփումն Armenia Today տեսանյութում։
- Նախնական տվյալներով՝ Գյումրիում կայացած տեղական ինքնակառավարման մարմինների ընտրություններում «Քաղաքացիական պայմանագիրը» հաղթել է, Փարաքարում՝ պարտվել։
- «Քաղաքացիական պայմանագրի» քաղաքապետի թեկնածու Սարիկ Մինասյանը բացարձակ մեծամասնություն չի ստացել։
- «Մայր Հայաստան» դաշինքը և «Իմ հզոր համայնք» կուսակցությունը հայտարարել են, որ աջակցում են «Կոմունիստական կուսակցության» թեկնածու, 2-րդ տեղն զբաղեցրած Վարդան Ղուկասյանին։
- «Մեր քաղաքը» դաշինքի թեկնածու Մարտուն Գրիգորյանն ընտրություններից 6 օր անց հայտարարել է, որ պատրաստ է Ղուկասյանին անհրաժեշտ քվե տալ։
- Բաքուն վերսկսել է հայկական կողմից իր դիրքերը գնդակոծելու մասին հայտարարությունները, որոնք Հայաստանի պաշտպանության նախարարությունը հերքել է։
- ՀՀ ՊՆ-ն հայտնել է Ադրբեջանի կողմից Սյունիքի մարզի Խնածախ գյուղի ուղղությամբ կրակ բացելու մասին, ինչի հետևանքով տուն է վնասվել։
- Ռուսաստանի հայերի միության նախագահ Արա Աբրահամյանին 5 ժամ պահել են «Զվարթնոց» օդանավակայանում՝ թույլ չտալով մուտք գործել Հայաստան։
- Աբրահամյանը հայտարարել է, որ պատճառն իր քաղաքական հայտարարություններն են, հայանպաստ գործունեությունը Հայաստանում։
- «Քաղաքացիական պայմանագրի» պատգամավոր Վիլեն Գաբրիելյանը Գյումրիում լրագրողների հետ միջադեպից և հայհոյելուց հետո վայր է դրել մանդատը։
- Գործադիրը հավանություն է տվել զինծառայությունից և վարժական հավաքից խուսափելու պատիժը երկարացնելու նախագծին։
- Կառավարությունը մերժել է արցախցիների պահանջը, և չի վերսկսել բնակարանների վարձերը փոխհատուցելու ծրագիրը։
- ԱՄՆ-ն 10% մաքսատուրք է սահմանել Հայաստանի համար։
