Երևանը հայտարարել է հրադադարի խախտման ապացույցների բացականության մասին

ՀՀ բանակը հրադադարի ռեժիմի խախտման պատճառ կամ հրահանգ չունի, հայտարարել է ՀՀ վարչապետի աշխատակազմը՝ մեկնաբանելով մարտի 16-18-ն Ադրբեջանի պաշտպանության նախարարության թվով 6 հաղորդագրությունը Հայաստան-Ադրբեջան սահմանին հայկական կողմից իբրև թե հրադադարի ռեժիմի խախտումների մասին։ Կառավարությունը հայտարարել է, որ Ադրբեջանը Հայաստանին չի ներկայացրել հրադադարի ռեժիմի խախտման փաստացի ապացույց։ «Վերահաստատելով հրադադարի ռեժիմի խախտման դեպքերի և/կամ նման տեղեկությունների հետաքննության Հայաստան-Ադրբեջան համատեղ մեխանիզմ ստեղծելու մասին իր առաջարկը՝ հայտարարում ենք, որ ՀՀ բանակը հրադադարի ռեժիմի խախտման պատճառ կամ հրահանգ չունի»,- ասված է ՀՀ նախարարների կաբինետի հաղորդագրության մեջ։ Հայաստանի կառավարությունն իր հայտարարության մեջ նաև ընդգծել է, որ մարտի 13-ին համաձայնեցված խաղաղության համաձայնագրի նախագծի տեքստը նախատեսում է հետագա գործողությունների քննարկման մեխանիզմներ։ Ընդգծվում է, որ 2025 թվականի հունվարին Հայաստանը գրավոր առաջարկ է ներկայացրել Բաքվին՝ լուծելու Ադրբեջանի արևմտյան շրջաններից Նախիջևանի տարածքով և հակառակ ուղղությամբ, ինչպես նաև երրորդ երկրներ երկաթուղային բեռնափոխադրումների խնդիրը։ Այս առաջարկը ներառում է նաև Ադրբեջանի տարածքով հյուսիսարևմտյան շրջաններից դեպի Հայաստանի հարավային և երրորդ երկրներ երկաթուղային հաղորդակցություն ապահովելու առաջարկ։ Երևանը հիշեցրել է նաև սպառազինությունների փոխադարձ վերահսկման երկկողմ մեխանիզմ ստեղծելու առաջարկը և նշել, որ ակնկալում է դրական արձագանք Ադրբեջանից։ Ադրբեջանը մարտի 16-ից սկսել էր հայտնել Հայաստանի հետ սահմանին իր դիրքերի գնդակոծման մասին։ Հայաստանի պաշտպանության նախարարությունը մեկ օրում երեք անգամ հերքել էր Բաքվի այս տեղեկությունը։ Նմանատիպ մեկ այլ հրապարակում հերքվել էր մարտի 17-ին, իսկ ուշ երեկոյան Երևանը հերքել էր երկու օրվա ընթացքում Հայաստանից գնդակոծվելու մասին Ադրբեջանի ՊՆ հինգերորդ հաղորդագրությունը։ Մարտի 17-ի առավոտյան ԵՄ դիտորդական առաքելությունը հայտնել էր Հայաստանի և Ադրբեջանի սահմանին «հանգիստ իրավիճակի» մասին։