Սեպտեմբերին Հայաստանում կանցկացվի հոգևոր երաժշտության փառատոն, հայտնում են Կամերային երաժշտության ազգային կենտրոնից։
Փառատոնը կազմակերպում է Կամերային երաժշտության ազգային կենտրոնը՝ Մշակույթի նախարարության աջակցությամբ։
Սեպտեմբերի 22-ին Կոտայքի մարզի համանուն գյուղում գտնվող Պտղնի (Պտղնավանք) տաճարում դիրիժոր Ռոբերտ Մլքեյանի ղեկավարությամբ տեղի կունենա համերգ՝ Հայաստանի պետական կամերային երգչախմբի (գեղարվեստական ղեկավար՝ Ռոբերտ Մլքեյան) և Հայաստանի պետական կամերային նվագախմբի (գեղարվեստական ղեկավար և դիրիժոր՝ Վահան Մարտիրոսյան) մասնակցությամբ։
Համերգային ծրագրում ընդգրկված են շարականներ (Հայաստանի հոգևոր բանաստեղծություններ), Կոմիտասի, Տիգրան Մանսուրյանի, Մոցարտի, Շուբերտի, Ֆորեի, Բարբերի ստեղծագործությունները։
Հաջորդ օրը՝ սեպտեմբերի 23-ին, Բջնիի Սուրբ Աստվածածին եկեղեցում տեղի կունենա «Օվեր» պետական կամերային երգչախմբի և Երևանի պետական կամերային նվագախմբի (գեղարվեստական ղեկավար և դիրիժոր՝ Քրիստինա Ոսկանյան) համերգը։
Ծրագրում ընդգրկված են Սահակ Պարթև, Ներսես Շնորհալի, Կոմիտաս, Ա. Ավանեսով, Ա. Ղազարյան, Ա. Լոտտի, Պետերիկ Վասկ և այլք։
Համերգների սկիզբը՝ ժամը 19:00-ին, մուտքը՝ անվճար:
