Նոյեմբերի 13-ին Հանրային խորհրդի նախագահի պաշտոնից հրաժարական էր տվել Վազգեն Մանուկյանը
Միջազգային և անվտանգության հարցերի հայկական ինստիտուտի (ՄԱՀՀԻ) ղեկավար, քաղաքագետ Ստյոպա Սաֆարյանը նշանակվել է Հանրային խորհրդի նախագահ։ Այս մասին որոշումն այսօր՝ դեկտեմբերի 19-ին, հաստատվել է ՀՀ Կառավարության նիստում։
Ստյոպա Սաֆարյանի թեկնածությունն առաջարկել է վարչապետ Նիկոլ Փաշինյանը։ Կառավարությունում որոշումն անցավ միաձայն։
Հիշեցնենք, որ Կառավարութան նախորդ՝ դեկտեմբերի 12-ի նիստում Հանրային խորհրդի անդամներ էին նշանակվել Դանիել Իոաննիսյանն ու Ալբերտ Ստեփանյանը։
Նոյեմբերի 13-ին Հանրային խորհրդի նախագահի պաշտոնից հրաժարական էր տվել Վազգեն Մանուկյանը։
