Իրաքի հյուսիսում թուրքական զինված ուժերը «վագրի ճանկ» անվանումով ռազմական գործողություն են իրականացնում, գրում է Anadolu-ն՝ վկայակոչելով երկրի ազգային պաշտպանության նախարարությանը:
Հաղորդագրության համաձայ ՝ օդային գործողության ընթացքում Թուրքիայի հատուկ նշանակության ուժերը մտել են Հաֆթանի շրջան։
Նշվում է, որ հատուկ նշանակության ջոկատը գործում է Atac մարտական ուղղաթիռների, ռազմաօդային ուժերի, սովորական և հարվածային անօդաչու թռչող սարքերի, կրակային աջակցության միջոցների աջակցությամբ։
Թուրքիայի ԶՈՒ-ն օդային գործողությունից առաջ զանգվածային գնդակոծության է ենթարկել հակառակորդի դիրքերը։
Ըստ տեղեկատվության՝ գործողությունն իրականացվում է PKK-ի զինյալներին և Թուրքիայի անվտանգությանը սպառնացող այլ ահաբեկչական տարրերին չեզոքացնելու նպատակով:
Գերատեսչությունում նշում են, թե իբր «վագրի ճիրան» գործողությունն իրականացվում է Թուրքիայի՝ միջազգային իրավունքից բխող ինքնապաշտպանության օրինական իրավունքի շրջանակներում։
Գործողության ղեկավարումն իրականացնում են ազգային պաշտպանության նախարար Հուլուսի Աքարը և ռազմական բարձրագույն հրամանատարության անդամները ցամաքային զորքերի հրամանատարական կենտրոնից:
Ավելի վաղ Թուրքիան Իրաքի հյուսիսում Pençe-Kartal գործողություն էր իրականացրել, որի ընթացքում ավիահարվածների օգնությամբ ոչնչացվել էր PKK-ի ահաբեկիչների 81 օբյեկտ:
