Հայ ըմբիշները մեկ արծաթե և երեք բրոնզե մեդալ են նվաճել ազատ ոճի ըմբշամարտի՝ մինչև 20 տարեկանների Եվրոպայի առաջնությունում։
65 կգ քաշային կարգում Արեն Հայրապետյանը նվաճել է արծաթե մեդալ՝ եզրափակիչում զիջելով մոլդովացի Մաքսիմ Դիմովին։
Սաշա Պետրոսյանը (57 կգ) բրոնզե մեդալի համար պայքարում հաղթել է վրացի ըմբիշ Գիորգի Ցուրիաշվիլիին, իսկ Նարեկ Նիկողոսյանը (79 կգ) բրոնզե մեդալ նվաճել է՝ հաղթելով ադրբեջանցի Էլժան Իսմայիլզադեին։
Ավելի ուշ 61 կգ քաշային Գագիկ Ղազարյանը Բրոնզե գոտեմարտում 4-1 հաշվով առավելության է հասել իտալացի մրցակցի նկատմամբ։
Մինչև 20 տարեկանների ըմբշամարտի Եվրոպայի առաջնությունն անցկացվում է Հյուսիսային Մակեդոնիայում՝ հուլիսի 6-12-ը։
