Հատուկ միջոցներով մաքրվել և լվացվել է Հյուսիսային պողոտան. քաղաքապետարան

Այսօր լուսադեմին «Երևանի աղբահանություն և սանիտարական մաքրում» համայնքային հիմնարկի մասնագիտացված տեխնիկայով, հատուկ մաքրող միջոցների կիրառմամբ մաքրվել, այնուհետ նաև լվացվել է մայրաքաղաքի Հյուսիսային պողոտան՝ ողջ երկայնքով։ Այս մասին հայտնում են Երևանի քաղաքապետրանի մամուլի ծառայությունից։

Բացի ջրցան մեքենաներից, աշխատանքներին ներգրավվել են նաև մարդկային ռեսուրսներ: Քաղաքապետարանի փոխանցմամբ՝ գործընթացը կկրի պարբերական բնույթ։