Գազայի հատվածում մարդասիրական օգնություն տեղափոխող բեռնատարը շրջվել է մարդկանց վրա, ինչի հետևանքով քսան մարդ է զոհվել,
հայտնել է Գազայի իշխանությունների մամուլի ծառայությունը:
Իշխանությունները տեղեկացրել են նաև տասնյակ տուժածների մասին։ Նշվում է, որ բեռնատարում պարենամթերք էր։
Գազայում հակամարտությունը սկսվել էր 2023-ի հոկտեմբերի 7-ին: 2025-ի հունվարի 15-ին Իսրայելը և ՀԱՄԱՍ-ը փուլային համաձայնության էին եկել պատերազմը դադարեցնելու վերաբերյալ: Մարտի 18-ի լույս 19-ի գիշերը, սակայն, Իսրայելը վերսկսել էր հարվածները:
Մեծ Բրիտանիայի վարչապետ Քիր Սթարմերը հուլիսի 29-ին հայտարարել էր, որ ՄԹ-ն սեպտեմբերին կճանաչի Պաղեստին պետությունը, եթե Իսրայելն «էական քայլեր չձեռնարկի Գազայում սարսափելի իրավիճակը դադարեցնելու» և հրադադարի հասնելու համար: Նախքան այդ՝ նման հայտարարությամբ էր հանդես եկել Ֆրանսիայի նախագահ Էմանուել Մակրոնը:
