Իսպանիայի հարավարևելքում գտնվող Տորե-Պաչեկո քաղաքում հուլիսի 13-ին բախումներ են տեղի ունեցել ծայրահեղ աջ ուժերի, տեղի բնակիչների և Հյուսիսային Աֆրիկայից ժամանած միգրանտների միջև, ինչի հետևանքով կան վիրավորներ, գրում է Reuters-ը։
Պարբերականը հայտնել է, որ անկարգությունները տեղի են ունեցել շաբաթվա սկզբին տարեց մի տղամարդու վրա անհայտ անձանց հարձակման հետևանքով։
Տեղի պաշտոնյաները Reuters-ին ասել են, որ բախումների արդյունքում վիրավորվել է հինգ մարդ, մեկ անձ ձերբակալվել է։
Նշվում է, որ Լարվածությունը սրվել է տարեց տղամարդու վրա փողոցում հարձակվելուց հետո, ինչի հետևանքով նա մարմնական վնասվածքներ էր ստացել և բուժում է ստանում տնային պայմաններում։ Հարձակման շարժառիթները դեռևս պարզ չեն, եզրափակել է պարբերականը։
