ԱՄՆ նախագահ Դոնալդ Թրամփը միլիարդատեր Իլոն Մասկի՝ նոր կուսակցության ստեղծման մասին հայտարարությունն «անհեթեթ» է որակել, հաղորդում է CNBC-ն:
«Երրորդ կուսակցություն ստեղծելը ծիծաղելի է, պարզապես ավելացնում է շփոթությունը։ Նա կարող է իրեն զվարճացնել դրանով, բայց ես այն անհեթեթ եմ համարում»,- լրագրողներին ասել է Թրամփը:
ԱՄՆ նախագահի խոսքով՝ իրեն «տխրեցնում է տեսնելը», թե ինչպես է Մասկը վերջին հինգ շաբաթների ընթացքում «ամբողջությամբ դուրս եկել վերահսկողությունից»։ Թրամփն ընդգծել է, որ երրորդ կուսակցությունները «երբեք հաջողության չեն հասել Միացյալ Նահանգներում», և դրանց միակ արդյունքը «լիակատար քաոսի ստեղծումն» է։
Մասկը, ում Forbes-ը գնահատում է որպես աշխարհի ամենահարուստ մարդ՝ 405,2 միլիարդ դոլար ունեցվածքով, Թրամփի հետ հրապարակային բանավեճից հետո հայտարարել էր «Ամերիկա» անունով նոր քաղաքական կուսակցության ստեղծման մասին։ Բիզնեսմենն ու Սպիտակ տան ղեկավարի միջև հակասությունները սկսվել են օրինագծի պատճառով, որն առնչվում է պետական ծախսերին ու հարկերին, որը Մասկը քննադատել էր։
