Ռուսաստանի նախագահի մամուլի քարտուղար Դմիտրի Պեսկովըն ասել է, որ Մոսկվան հույս ունի, որ Կիևի հետ բանակցությունների հաջորդ՝ երրորդ փուլի ամսաթվերը կորոշվեն շատ մոտ ապագայում, հայտնել է ՏԱՍՍ-ը։
«Ոչ, մոտ ապագայում դեռ ոչ։ Մենք սպասում ենք բանակցությունների երրորդ փուլին։ Հուսով ենք, որ առաջիկա մի քանի օրերին երրորդ փուլի ամսաթվերը պարզ կլինեն», – ասել է Կրեմլի ներկայացուցիչը՝ պատասխանելով հարցին, թե արդյոք մոտ ապագայում նոր հանդիպումներ են նախատեսվում։
Հունիսի 19-ին ՌԴ նախագահ Վլադիմիր Պուտինը հայտարարել էր, որ Ռուսաստանի և Ուկրաինայի բանակցությունների հաջորդ փուլը կարող է տեղի ունենալ հունիսի 22-ից հետո:
Մայիսի 16-ին Ռուսաստանն ու Ուկրաինան Ստամբուլում անցկացրել էին 2022 թվականից ի վեր առաջին ուղիղ բանակցությունները՝ պայմանավորվելով գերիների փոխանակման և բանակցությունները շարունակելու մասին։ Երկրորդ փուլի արդյունքներով, որը տեղի էր ունեցել հունիսի 2-ին, Մոսկվան և Կիևը պայմանավորվել էին զոհված ուկրաինացի զինվորականների մարմինները հանձնելու, ծանր վիրավորում ստացած զինվորականների և 18-25 տարեկան գերիներին փոխանակելու շուրջ:
