Իրանցի զինվորականները հունիսի 13-ի երեկոյան հրթիռային հարվածներ են հասցրել Իսրայելին, հայտնում Է ՏԱՍՍ-ը՝ հղում անելով իրանական ԶԼՄ-ներին: Նշվում է, որ Իրանից «հարյուրավոր բալիստիկ հրթիռներ» են արձակվել։
Ըստ Tasnim-ի՝ իսրայելական երկու ռազմական ինքնաթիռ խոցվել է իրանական ՀՕՊ միջոցներով։ Նշվում է, որ ռազմական ինքնաթիռներից մեկի կին օդաչուն գերեվարվել է:
Ավելի վաղ Իսլամական հեղափոխության առաջնորդ Այաթոլլա Ալի Խամենեին Իրանի ժողովրդին ուղղված ուղերձում հայտարարել էր, որ Իրանի զինված ուժերն ամբողջ ուժով կպատասխանեն իսրայելական ագրեսիային, հայտնում է Mehr-ը։
Նա ընդգծել է, որ Իսրայելն անպատիժ չի մնա կատարած հանցագործության համար:
Իսրայելի պաշտպանության բանակը ռազմաօդային ուժերի ավելի քան 200 կործանիչի կիրառմամբ հունիսի 13-ի գիշերը հարվածներ էր հասցրել Իրանի տարածքում գտնվող ավելի քան 100 թիրախի, այդ թվում՝ իրանցի բարձրաստիճան զինվորականների թաքստոցների ուղղությամբ: ՀՀ ԱԳՆ-ն դատապարտել էր Իսրայելի հարձակումն Իրանի վրա։
Կարդացեք նաև՝ Իսրայելի և Իրանի փոխադարձ հարվածները. ի՞նչ է հայտնի մինչ այժմ
