Կաննի 78-րդ կինոփառատոնի գլխավոր մրցանակի Ոսկե արմավենու ճյուղի հաղթող է ճանաչվել իրանցի ռեժիսոր Ջաֆար Փանահիի «Պարզ պատահականություն» ֆիլմը, հայտնում է Le Figaro-ն։
Երկրորդ մրցանակը՝ փառատոնի Գրան պրին, ստացել է դանիացի ռեժիսոր Յոակիմ Տրիերի «Սենտիմենտալ արժեք» ֆիլմը։
Լավագույն ռեժիսուրայի մրցանակի դափնեկիր Է դարձել բրազիլացի ռեժիսոր Կլեբեր Մենդոնսա Ֆիլիոն «Գաղտնի գործակալը» ֆիլմի համար:
Ժյուրիի մրցանակը բաժին է հասել ֆրանսիացի ռեժիսոր Օլիվեր Լաշեի «Սիրատը» և գերմանացի ռեժիսոր Մաշա Շիլինսկու «Անկման ձայնը» ֆիլմերին: Ժյուրիի հատուկ մրցանակ է շնորհվել չինացի ռեժիսոր Բի Գանի «Հարություն» ֆիլմին։
Լավագույն սցենարի համար մրցանակը ստացել են Ժան-Պիեռ Դարդենը և Լյուկ Դարդենը՝ «Երիտասարդ մայրեր» ֆրանս-բելգիական ֆիլմի համար: Լավագույն դերասան է ճանաչվել բրազիլացի Վագներ Մոուրան՝ Ֆիլիոյի «Գաղտնի գործակալ» ֆիլմում գլխավոր դերը խաղալու համար: Լավագույն դերասանուհի անվանակարգում մրցանակը բաժին է հասել դերասանուհի Նադյա Մելիտիին՝ ռեժիսոր Աֆսիա Երզիի «Կրտսեր քույրը» («Կրտսեր Դերնիեր») ֆիլմի համար:
Փառատոնի հիմնական մրցույթին այս տարի մասնակցել է 22 ֆիլմ: Միջազգային կինեմատոգրաֆիական ամենամյա փառատոնն անցկացվում է մայիսի վերջին Կաննում հիման վրա։ Առաջին անգամ անցկացվել Է 1946 թվականին՝ սեպտեմբերի 20-ից հոկտեմբերի 5-ը ։ Փառատոնը ժամանակակից մասշտաբներ է ձեռք բերել 1951 թվականից հետո։ 1952 թվականից Այն տեղի է ունենում ամեն տարի մայիսին։ 78-րդ ստուգատեսն անցկացվել է մայիսի 13-24-ը:
