Կալիֆոռնիայի Պալմ Սփրինգս քաղաքի վերարտադրողական բժշկության կլինիկայի մոտ ահաբեկչություն է տեղի ունեցել, CBS News հեռուստաալիքի եթերում հայտարարել է ԱՄՆ Հետաքննությունների դաշնային բյուրոյի Լոս Անջելեսի բաժանմունքի տնօրենի օգնական Ակիլ Դևիսը։
Նշվում է, որ բժշկական կենտրոնի մոտ մեքենա է պայթել, ինչի հետևանքով մեկ մարդ զոհվել է, առնվազն 4-ը՝ վիրավորվել։ Դևիսի տվյալներով՝ հարձակման թիրախը բժշկական հաստատությունն էր։
«Դա կանխամտածված ահաբեկչական գործողություն է։ Հետաքննության ընթացքում մենք կպարզենք՝ դա միջպետակա՞ն, թե՞ ներքին ահաբեկչություն էր»,- հայտարարել է նա։
