ԱՄՆ նախագահ Դոնալդ Թրամփը հայտնել է, որ հեռախոսազրույց է ունենալու Ռուսաստանի և Ուկրաինայի նախագահներ Վլադիմիր Պուտինի և Վլադիմիր Զելենսկու հետ։
Նրա խոսքով՝ մայիսի 19-ին՝ ժամը 10:00-ին, Պուտինի հետ կայանալիք հեռախոսազրույցի թեմաներն են լինելու «արյունալի սպանդի» դադարեցումը և առևտուրը:
«Հուսով եմ՝ արդյունավետ օր կլինի, հրադադարի համաձայնագիր կկնքվի, և այս շատ դաժան պատերազմը, պատերազմ, որը երբեք չպետք է տեղի ունենար, կավարտվի»,- գրել է Թրամփը Truth Social-ի իր էջում։
Ռուսաստանն ու Ուկրաինան Ստամբուլում մայիսի 16-ին ուղիղ բանակցություններ էին անցկացրել և պայմանավորվել գերիների փոխանակման և բանակցությունները շարունակելու մասին։
