Ատոմային էներգիայի միջազգային գործակալության (ՄԱԳԱՏԷ) ղեկավար Ռաֆայել Գրոսսին և Իրանի արտաքին գործերի նախարար Աբբաս Արաղչին քննարկել են Իրանի և ԱՄՆ-ի միջև անուղղակի բանակցություններին վերաբերող վերջին զարգացումները, հայտնում է Tasnim-ը։
Նշվում է, որ քննարկվել է նաև ՄԱԿ-ի միջուկային գործակալության և Թեհրանի միջև համագործակցությունը նրա խաղաղ միջուկային ծրագրի շրջանակներում:
Իրանն ու ԱՄՆ-ն ապրիլի 12-ին, 19-ին և 26-ին Օմանի միջնորդությամբ բանակցությունների երեք փուլ էին անցկացրել Մասկատում և Հռոմում ՝ իրանական միջուկային ծրագրի շուրջ համաձայնության հասնելու և Թեհրանի նկատմամբ պատժամիջոցները չեղարկելու նպատակով:
Մայիսի 3-ին նախատեսված անուղղակի բանակցությունների չորրորդ փուլը հետաձգվել էր պատվիրակությունների ծրագրերի անհամապատասխանության պատճառով։
