Ռուսաստանը նոր նախապատվություններ է մտցրել արտասահմանյան բարձր որակավորում ունեցող մասնագետների համար, հայտնում է «ՌԻԱ Նովոստին»՝ հղում անելով ՌԴ ՆԳՆ-ին։
Ըստ աղբյուրի՝ այս միջոցները նպատակ ունեն հեշտացնել նրանց ինտեգրումը Ռուսաստանին և խթանել արժեքավոր կադրերի ներգրավումը։
Հիմնական առավելությունները ներառում են.
– Քննություններից ազատում. մշտական բնակություն և քաղաքացիություն ստանալու համար նման մասնագետներից չի պահանջվում քննություն հանձնել ռուսաց լեզվի, ռուսաց պատմության և Ռուսաստանի օրենսդրության հիմունքներ առարկաներից:
– Ընտանեկան առավելություններ. օտարերկրյա մասնագետները կարող են իրենց հետ բերել իրենց ընտանիքներին:
– Բնակության թույլտվության պարզեցված գրանցում. նրանց և մերձավոր ազգականներին տրվում է պարզեցված ընթացակարգով կացության թույլտվություն ստանալու իրավունք:
– Գործատուների համար պարզեցում. գործատուն կարիք չունի հատուկ թույլտվություն ստանալու այդ աշխատողներին ներգրավելու և օգտագործելու համար:
Նման մասնագետների համար աշխատանքային վիզա տրվում է նրանց աշխատանքի թույլտվության տևողության համար, բայց ոչ ավելի, քան երեք տարի: Այս միջոցառումներն օտարերկրյա բարձր որակավորում ունեցող մասնագետների համար աշխատանքի գործընթացը դարձնում են ավելի հարմար և գրավիչ, նշել են ՌԴ ՆԳՆ-ում։
Մարտի 20-ին ՌԴ նախագահ Վլադիմիր Պուտինը հրամանագիր էր ստորագրել, ըստ որի՝ օտարերկրյա քաղաքացիները և քաղաքացիություն չունեցող անձինք մատնահետքերը ներկայացնելուց հետո կկարողանան աշխատել Ռուսաստանում՝ առանց աշխատանքի թույլտվություն ստանալու։ Բացի մատնահետքեր տրամադրելուց, միգրանտները պետք է նաև բժշկական զննում անցնեն՝ ստուգելու համար դեղերի և վտանգավոր վարակիչ հիվանդությունների առկայությունը։
Ռուսաստանի Միասնական միջգերատեսչական տեղեկատվական և վիճակագրական համակարգի տվյալների համաձայն՝ 2024 թվականի երեք եռամսյակում Ռուսաստան է ժամանել ավելի քան 140 հազար ՀՀ քաղաքացի՝ որպես աշխատանքային միգրանտներ։
